ଗଲୱାନ ସହିଦ ବୀରଙ୍କୁ ଗୀତ ମାଧ୍ୟମରେ ଶ୍ରଦ୍ଧାଞ୍ଜଳି ଦେଲା ଭାରତୀୟ ସେନା
ଗଲୱାନ ସଂଘର୍ଷକୁ ବର୍ଷେ ପୁରିଛି । ପୂର୍ବ ଲଦାଖର କିଛି ଜାଗାରୁ ଉଭୟ ଚୀନ୍ ଓ ଭାରତୀୟ ସେନା ଅପସାରଣ ହୋଇଥିବା ବେଳେ ଏବେ ବି ଅନ୍ୟ କିଛି ଜାଗାରେ ସ୍ଥିତି ଉତେଜନାମୂଳକ ରହିଛି । ତେବେ ସଂଘର୍ଷର ଏକ ବର୍ଷ ପରେ ଭାରତୀୟ ସେନା ଏକ ଭିଡିଓ ଜାରି କରିଛି । 'ଗଲୱାନ୍ କେ ବୀର୍' ନାମରେ ଜାରି କରାଯାଇଥିବା ଏହି ଭିଡିଓରେ ଭାରତୀୟ ଯବାନମାନଙ୍କର ବୀରତ୍ୱର କାହାଣୀ ରହିଛି । ୪ ମିନିଟ୍, ୫୯ ସେକେଣ୍ଡର ଏହି ଭିଡିଓରେ ଭାରତୀୟ ସେନାର ପାରାକ୍ରମକୁ ଦର୍ଶାଯାଇଛି ।
ବରଫର ମୋଟା ଚାଦର ତଳେ ଅତି ନିମ୍ନ ତାପମାତ୍ରାରେ କାର୍ଯ୍ୟରତ ଯବାନ କିଭଳି ବୀରତ୍ୱ ଓ ସାହସିକତାର ସହ ଶତ୍ରୁମାନଙ୍କୁ ସାମ୍ନା କରନ୍ତି ଏବଂ ଗୀତର ଶେଷରେ, ଗାଲୱାନରେ ସହିଦ ହୋଇଥିବା ଯବାନଙ୍କ ନାମ ଏବଂ ସେମାନଙ୍କ ଚିତ୍ର ପ୍ରଦର୍ଶିତ ହୋଇଛି । ଏହି ଭିଡିଓରେ ପ୍ରସିଦ୍ଧ ଗାୟକ ହରିହରନ୍ ନିଜର ସ୍ୱର ଦେଇଛନ୍ତି। ସୂଚନାଯୋଗ୍ୟ ଯେ, ଗଲୱାନ ଘାଟିରେ ହୋଇଥିବା ସଂଘର୍ଷରେ ଭାରତର ୨୦ ଜଣ ଯବାନ ସହିଦ ହୋଇଥିବାବେଳେ ଚୀନ୍ର ୪୦ରୁ ଅଧିକ ଯବାନ ନିହତ ହୋଇଥିଲେ।
Powered by Froala Editor