ଟିକେଟ ମିଳିବା ପରେ ବି ନିର୍ବାଚନ ଲଢ଼ିବେନି ପୱନ
![ଟିକେଟ ମିଳିବା ପରେ ବି ନିର୍ବାଚନ ଲଢ଼ିବେନି ପୱନ](https://odishanewslens.com/news_gallery/28439_1709483488.jpg)
ଭୋଜପୁରୀ ଗାୟକ ତଥା ଭାଜପା ପ୍ରାର୍ଥୀ ପଓ୍ବନ ସିଂ ଆସନସୋଲ ଲୋକ ସଭା ଆସନରୁ ନିର୍ବାଚନ ଳଢ଼ିବାକୁ ମନା କରି ଦେଇଛନ୍ତି। ବିଜେପି ତାଙ୍କୁ ପଶ୍ଚିମବଙ୍ଗର ଆସନସୋଲରୁ ଟିକେଟ୍ ଦେଇଥିଲା। ତେବେ ସେ ଏଠାରୁ ନିର୍ବାଚନ ଲଢ଼ିବେ ନାହିଁ ବୋଲି ଆଜି ଘୋଷଣା କରିଛନ୍ତି। ସୋଶାଲ ମିଡିଆ ପ୍ଲାଟଫର୍ମ ଏକ୍ସରେ ଏନେଇ ସେ ସୂଚନା ଦେଇଛନ୍ତି।
ପଓ୍ବନ ସିଂ ଟୁଇଟ କରି କହିଛନ୍ତି, ‘ଭାରତୀୟ ଜନତା ପାର୍ଟିର ଶୀର୍ଷ ନେତୃତ୍ୱ ପାଇଁ ମୁଁ ହୃଦୟରୁ କୃତଜ୍ଞତା ଜଣାଉଛି। ଦଳ ମୋତେ ବିଶ୍ୱାସ କରି ଆସନସୋଲର ପ୍ରାର୍ଥୀ ବୋଲି ଘୋଷଣା କରିଥିଲା। କିନ୍ତୁ କୌଣସି କାରଣରୁ ମୁଁ ଆସନସୋଲରୁ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିପାରିବି ନାହିଁ। ସୂତ୍ରରୁ ପ୍ରକାଶ ଯେ ପବନ ସିଂହଙ୍କ ଏହି ଘୋଷଣା ପରେ ବିଜେପି ସଭାପତି ଜେପି ନଡ୍ଡା ଆଲୋଚନା ପାଇଁ ତାଙ୍କୁ ଦିଲ୍ଲୀ ଡାକିଛନ୍ତି।
ସୂଚନାଯୋଗ୍ୟ, ଶନିବାର ବିଜେପି ୧୯୫ ପ୍ରାର୍ଥୀଙ୍କ ତାଲିକା ପ୍ରକାଶ କରିଥିଲା। ଯେଉଁଥିରେ ପଓ୍ବନ୍ଙ୍କ ନାମ ରହିଥିଲା। ପଓ୍ବନଙ୍କ ବ୍ୟତୀତ ଭୋଜପୁରୀ ଇଣ୍ଡଷ୍ଟ୍ରିରୁ ଦିନେଶ ଲାଲ ଯାଦବ, ରବି କିଶନ ଏବଂ ମନୋଜ ତିଓ୍ବାରୀଙ୍କ ନାମ ମଧ୍ୟ ବିଜେପିର ଏହି ତାଲିକାରେ ଅନ୍ତର୍ଭୁକ୍ତ ହୋଇଥିଲା।
Powered by Froala Editor