ପୁଅର ଚିକିତ୍ସା ପାଇଁ ଦରକାର ୧୭.୫ କୋଟି, ସାହାଯ୍ୟ ମାଗିଲେ ଇନ୍ସପେକ୍ଟର
ଦୁରାରୋଗରେ ପୀଡିତ ୨୨ ମାସର ଶିଶୁ । ଠିଆ ହୋଇପାରୁନି । ସେଥିପାଇଁ ଇଞ୍ଜେକସନ ଦରକାର । ହେଲେ ଇଞ୍ଜେକସନର ଦାମ୍ ୧୭.୫ କୋଟି । ଯାହାକି ୨ ମାସରେ ଯୋଗାଡ କରିବା ଅସମ୍ଭବ । ତେଣୁ ପୁଅ ପାଇଁ ସାହାଯ୍ୟ ମାଗିଛନ୍ତି ଇନ୍ସପେକ୍ଟର ନରେଶ ଚନ୍ଦ୍ର ଶର୍ମା ।
ରାଜସ୍ଥାନର ଧୋଲପୁର ଜିଲ୍ଲାର ମାନିୟା ପୁଲିସ ଷ୍ଟେସନରେ ନିୟୋଜିତ ଥିବା ପୁଲିସ ଅଧିକାରୀ ନରେଶ ଚନ୍ଦ୍ର ଶର୍ମାଙ୍କ ୨୨ ମାସର ପୁଅ ହୃଦୟାନଶ ଏକ ବିରଳ ଜେନେଟିକ ରୋଗ ଏସଏମଏ ଟାଇପ-୨ରେ ପୀଡ଼ିତ ଅଛନ୍ତି। ହୃଦୟାନଶ ୨୨ମାସର ହୋଇଥିବା ବେଳେ ସେ ଠିଆ ହୋଇ ପାରୁ ନାହାନ୍ତି। ଦୁଇମାସର ମଧ୍ୟରେ ୧୭.୫ କୋଟି ଟଙ୍କା ମୂଲ୍ୟର ଏକ ଜଲଜେସମା ଇଞ୍ଜେକ୍ସନର ଆବଶ୍ୟକତା ରହିଛି। କାରଣ ହୃଦୟାନଶ ଏବେ ୨୨ମାସର ହୋଇଥିବା ବେଳେ ଏହି ଇନଜେକସନ କେବଳ ୨୪ମାସ ଶିଶୁଙ୍କୁ ହିଁ ଦିଆଯାଇଥାଏ।
ନରେଶ ଚନ୍ଦ୍ର ଶର୍ମା କହିଛନ୍ତି, ‘ପୁଅର ଚିକିତ୍ସା ପାଇଁ ୨ମାସ ମଧ୍ୟରେ ୧୭.୫କୋଟି ଟଙ୍କାର ଅର୍ଥ ରାଶି ଏକାଠି କରିବା ମୋ ପକ୍ଷେ ସମ୍ଭବ ନୁହେଁ। ତେଣୁ ଯାହାର ଯେତିକି ସାମର୍ଥ୍ୟ ମୋତେ ସାହାଯ୍ୟ କରନ୍ତୁ।’
ନରେଶଙ୍କ ଅବସ୍ଥା ଦେଖି ରାଜସ୍ଥାନ ପୁଲିସ ମହାନିର୍ଦ୍ଦେଶକ ୟୁ.ଆର ସାହୁ ସମସ୍ତ ପୁଲିସ ଅଧିକାରୀଙ୍କ ନିକଟକୁ ଏକ ଇମେଲ ପଠାଇ ସବ-ଇନ୍ସପେକ୍ଟରଙ୍କୁ ଆର୍ଥିକ ସାହାଯ୍ୟ ପାଇଁ ଅନୁରୋଧ କରିଛନ୍ତି।
Powered by Froala Editor