ନୂଆଦିଲ୍ଲୀ: ଷ୍ଟୁଡେଣ୍ଟ୍ସ ଇସ୍‌ଲାମିକ୍‌ ମୁଭ୍‌ମେଣ୍ଟ ଅଫ୍ ଇଣ୍ଡିଆ(ସିମି) ଉପରେ ବ୍ୟାନ୍ ନିର୍ଦ୍ଦେଶକୁ ଆଉ ୫ ବର୍ଷ ବଢ଼ାଇଲେ କେନ୍ଦ୍ର ସରକାର। ଏହି ସଂଗଠନ ଦେଶରେ ଆତଙ୍କବାଦ ପାଇଁ ପ୍ରୋତ୍ସାହନ ଦେବା, ଦେଶରେ ଶାନ୍ତି ଓ ସମ୍ପ୍ରଦାୟିକ ସଦ୍‌ଭାବନା ବିଗାଡ଼ିବା ଅଭିଯୋଗରେ କେନ୍ଦ୍ର ସରକାର ବ୍ୟାନ୍ ନିର୍ଦ୍ଦେଶକୁ ଆଉ ୫ ବର୍ଷ ପର୍ୟ୍ୟନ୍ତ ବଢାଇଛନ୍ତି।  

ଏନେଇ ସୋସିଆଲ୍ ମିଡିଆ ସାଇଟ୍‌ ଏକ୍ସରେ ପୋଷ୍ଟ କରି ସୂଚନା ଦେଇଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହ। ସେ ତାଙ୍କ ପୋଷ୍ଟରେ ଲେଖିଛନ୍ତି  “ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କର ଆତଙ୍କବାଦ ପ୍ରତି ଶୂନ୍ୟ ସହନଶୀଳତା ଦୃଷ୍ଟିକୋଣକୁ ବଳ ଦେବାକୁ ଷ୍ଟୁଡେଣ୍ଟ୍‌ସ ଇସ୍‌ଲାମିକ୍‌ ମୁଭମେଣ୍ଟ ଅଫ୍ ଇଣ୍ଡିଆ(ସିମି)କୁ ୟୁଏପିଏ ଅଧୀନରେ ଆଉ ୫ ବର୍ଷ ପାଇଁ ବେଆଇନ୍‌ ସଂଗଠନ ଘୋଷଣା କରାଯାଉଛି।ସିମି ଭାରତର ସାର୍ବଭୌମତ୍ୱ ଓ ଏକତାକୁ ହାନୀ ପହଞ୍ଚାଇବା ପାଇଁ ଆତଙ୍କବାଦକୁ ପ୍ରୋତ୍ସାହିତ କରିବା, ଶାନ୍ତି ଓ ସାମ୍ପ୍ରଦାୟିକ ସଦ୍‌ଭାବନାକୁ ବିଗାଡ଼ିବା କାର୍ୟ୍ୟରେ ଲିପ୍ତ ଥିବା ପ୍ରମାଣ ମିଳିଛି।”

ସୂଚନା ଥାଉକି, ୨୦୦୧ରେ ଦେଶରେ ଅଟଳ ବିହାରୀ ବାଜପେୟୀଙ୍କ ସରକାର ଥିବା ସମୟରେ ସିମି ଉପରେ ପ୍ରତିବନ୍ଧକ ଲଗାଯାଇଥିଲା। ଏହାପରଠାରୁ ପ୍ରତି ୫ ବର୍ଷରେ ସିମି ଉପରେ ପୁଣିଥରେ ବ୍ୟାନ୍ ଲଗାଯାଉଛି।

Powered by Froala Editor