୧୪ବର୍ଷ ପରେ ବିଚ୍ଛେଦ
୧୪ବର୍ଷ ପରେ ବଲିଉଡ ଅଭିନେତ୍ରୀ ତଥା ମଡେଲ ଈଶା କୋପିକାରଙ୍କ ବିବାହ ବିଚ୍ଛେଦ ଘଟିଛି । ଈଶା ଓ ତାଙ୍କ ସ୍ୱାମୀ ଟିମି ନାରଙ୍ଗ ପରସ୍ପରଠାରୁ ଅଲଗା ହୋଇଛନ୍ତି । ୨୯ ନଭେମ୍ବର ୨୦୦୯ରେ ଉଭୟ ବିବାହ ବନ୍ଧନରେ ଆବଦ୍ଧ ହୋଇଥିଲେ । ଦୀର୍ଘ ଦିନ ହେବ ଉଭୟ ପତିପତ୍ନୀଙ୍କ ମଧ୍ୟରେ ସମ୍ପର୍କ ଭଲ ନ ଥିଲା । ସମ୍ପର୍କକୁ ବଂଚାଇ ରଖିବା ବିଭିନ୍ନ ପ୍ରକାରର ଉଦ୍ୟମ କରିଥିଲେ ମଧ୍ୟ ସେମାନେ ଏଥିରେ ସଫଳ ହୋଇପାରି ନ ଥିଲେ । ବିବାହ ପରେ ଦମ୍ପତି ଏକ କନ୍ୟା ସନ୍ତାନର ମାତାପିତା ମଧ୍ୟ ହୋଇଥିଲେ। ବିବାହ ବିଚ୍ଛେଦ ପରେ ଈଶା ତାଙ୍କ ଝିଅ ରିଆନାଙ୍କୁ ନେଇ ନିଜ ଘରକୁ ଯାଇଛନ୍ତି ।
ଈଶା କ୍ରିଷ୍ଣା କଟେଜ, ଡନ, କ୍ୟା କୁଲ ହେ ହମ, ଫିଜା, ଏଲଓସି କାର୍ଗିଲ ପରି ଫିଲ୍ମରେ ଅଭିନୟ କରିଛନ୍ତି । ସେ ଏହା ବ୍ୟତୀତ ତେଲୁଗୁ ଓ ମରାଠୀ ଫିଲ୍ମରେ ମଧ୍ୟ ଅଭିନୟ କରିଛନ୍ତି । ୨୦୧୯ରେ ସେ ବିଜେପିରେ ଯୋଗଦେଇଥିଲେ । ଅପରପକ୍ଷରେ ଟିମି ଏକ ପ୍ରତିଷ୍ଠିତ ହୋଟେଲ ଚେନର ମାଲିକ । ସବୁବେଳେ ନିଜ ପେସାଦାର ଜୀବନକୁ ନେଇ ଚର୍ଚ୍ଚାରେ ରହୁଥିବା ଈଶା ଏବେ ତାଙ୍କ ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ ଅଛନ୍ତି।
Powered by Froala Editor
