ପ୍ରବଳ ତୁଷାରପାତ: ସିକ୍କିମରେ ୧୦୦୦ ପର୍ୟ୍ୟଟକଙ୍କୁ ଉଦ୍ଧାର କଲା ଭାରତୀୟ ସେନା
![ପ୍ରବଳ ତୁଷାରପାତ: ସିକ୍କିମରେ ୧୦୦୦ ପର୍ୟ୍ୟଟକଙ୍କୁ ଉଦ୍ଧାର କଲା ଭାରତୀୟ ସେନା](https://odishanewslens.com/news_gallery/26576_1702552924.jpg)
ଗାଙ୍ଗଟକ: ସିକ୍କିମର ଉତ୍ତରାଞ୍ଚଳରେ ପ୍ରବଳ ତୁଷାରପାତ । ଫସି ରହିଥିବା ୧୦୦୦ ପର୍ୟ୍ୟଟକଙ୍କୁ ସୁରକ୍ଷିତ ଭାବେ ଉଦ୍ଧାର କଲା ଭାରତୀୟ ସେନା । ଏମାନଙ୍କ ମଧ୍ୟରେ ମହିଳା, ଶିଶୁ ଓ ବୟୋଜେଷ୍ଠ ମଧ୍ୟ ରହିଛନ୍ତି । ବୁଧବାର ଅପରାହ୍ନରେ ତୁଷାରପାତ ଆରମ୍ଭ ହୋଇଥିବା ବେଳେ ଟ୍ରାଫିକ ଜାମ ରହିଥିଲା । ପ୍ରତିକୂଳ ପରିସ୍ଥିତିରେ ଭାରତୀୟ ସେନା ପର୍ୟ୍ୟଟକଙ୍କୁ ଉଦ୍ଧାର କରି ସୁରକ୍ଷିତ ସ୍ଥାନକୁ ଆଣିଥିଲା । ସେମାନଙ୍କୁ ଆଶ୍ରୟ ସ୍ଥଳୀ, ଶୀତ ବସ୍ତ୍ର, ଖାଦ୍ୟ ଓ ପ୍ରାଥମିକ ଚିକିତ୍ସା ଯୋଗାଇ ଦିଆଯାଉଛି। ପର୍ୟ୍ୟଟକଙ୍କ ରହିବା ପାଇଁ ଯବାନ ମାନେ ସେମାନଙ୍କ ବ୍ୟାରେକ ଖାଲି କରିଥିଲେ। ଭାରତୀୟ ସେନାର ଯବାନଙ୍କ ତତକ୍ଷଣାତ ପଦକ୍ଷେପ ଯୋଗୁଁ ପର୍ୟ୍ୟଟକ ମାନେ ସୁରକ୍ଷିତ ଭାବେ ଉଦ୍ଧାର ହୋଇଥିଲେ । ଏଥିପାଇଁ ପର୍ୟ୍ୟଟକ ମାନେ ଯବାନଙ୍କୁ ଧନ୍ୟବାଦ ଜଣାଇଛନ୍ତି ।
ସିକ୍କିମର ଉତ୍ତରାଞ୍ଚଳରେ ବୁଧବାର ଅପରାହ୍ନରୁ ଆରମ୍ଭ ହୋଇଥିଲା ତୁଷାରପାତ। ଏଥି ଯୋଗୁଁ ସେଠାକୁ ଯାଇଥିବା ପର୍ୟ୍ୟଟକ ଫସିଯାଇଥିଲେ । ଟ୍ରାଫିକ ସମସ୍ୟା ଉପୁଜିବାରୁ ଶହ ଶହ ଗାଡି ରାସ୍ତାରେ ଅଟକି ରହିଥିଲା । ଏନେଇ ଖବର ପାଇ ସଙ୍ଗେ ସଙ୍ଗେ ତ୍ରୀଶକ୍ତି କ୍ରପ୍ସ ଘଟଣାସ୍ଥଳରେ ପହଞ୍ଚି ପର୍ୟ୍ୟଟକଙ୍କୁ ଉଦ୍ଧାର କରିବା ଆରମ୍ଭ କରିଥିଲେ । ପ୍ରଥମେ ରାସ୍ତାରୁ ବରଫ ହଟାଇବା ପରେ ସମସ୍ତ ପର୍ୟ୍ୟଟକଙ୍କୁ ଉଦ୍ଧାର କରି ଅନ୍ୟ ଏକ ସ୍ଥାନାକୁ ସ୍ଥାନାନ୍ତର କରିଥିଲେ । ସମସ୍ତଙ୍କୁ ଶୀତ ବସ୍ତ୍ର ଚିକିତ୍ସା ସହାୟତା ଏବଂ ଖାଦ୍ୟ ଯୋଗାଇ ଦିଆୟାଇଥିଲା । ପର୍ୟ୍ୟଟକଙ୍କ ରହଣୀ ପାଇଁ ନିଜ ବ୍ୟାରେକଙ୍କୁ ମଧ୍ୟ ଖାଲି କରିଥିଲେ ସେନାରେ କାର୍ୟ୍ୟରତ ଯବାନ ।
Powered by Froala Editor