ପୁଷ୍ପା ପାର୍ଟ ୨କୁ ଆସିବା ପୂର୍ବରୁ ଆସିଛି ବଡ଼ ଖବର । ଫିଲ୍ମରେ ଅଭିନୟ କରିଥିବା ଜଣେ ଅଭିନେତା ଗିରଫ ହୋଇଛନ୍ତି । ହାଇଦ୍ରାବାଦ ପଞ୍ଜାଗୁଟ୍ଟା ପୁଲିସ ଅଭିନେତା ଜଗଦୀଶ ପ୍ରତାପ ଭଣ୍ଡାରୀଙ୍କୁ ଗିରଫ କରି ନେଇଥିବା ଜଣାପଡ଼ିଛି।

ପୁଷ୍ପା ଦ ରାଇଜରେ ଅଲ୍ଲୁ ଅର୍ଜୁନଙ୍କ ସହଯୋଗୀ ଥିବା କେଶବ ମାନେ ଅଭିନେତା ଜଗଦୀଶ ଦର୍ଶକଙ୍କ ମନ ଜିଣିଥିଲେ । ତେବେ ଜଗଦୀଶଙ୍କ ବିରୋଧରେ ପ୍ରେମିକାଙ୍କୁ ଜୀବନ ହାରିବା ପାଇଁ ଉସୁକାଇଥିବା ଅଭିଯୋଗ ହୋଇଥିଲା। ଏହାପରେ ପ‌ରେ ପୁଲିସ ତାଙ୍କୁ ଗିରଫ କରି ଯାଞ୍ଚ ଆରମ୍ଭ କରିଛି।

ନଭେମ୍ବର ୨୯ରେ ଆତ୍ମହତ୍ୟା କରିଥିବା ଜଣେ ଜୁନିଅର ମହିଳା କଳାକାରଙ୍କ ମୃତ୍ୟୁ ଘଟଣାରେ ଜଗଦୀଶଙ୍କୁ ଗିରଫ କରାଯାଇଛି । ୩୦ ବର୍ଷୀୟ ଜଗଦୀଶ ପ୍ରତାପ ଜଣେ ଜୁନିଅର ଆର୍ଟିଷ୍ଟଙ୍କ ସହ ଅନେକ ଦିନ ହେବ ଲିଭ୍‌-ଇନ୍ ରିଲେସନସିପରେ ରହୁଥିଲେ। ନଭେମ୍ବର ୨୯ ତାରିଖରେ ଜଗଦୀଶ ଲିଭ୍‌-ଇନ୍‌ ପାର୍ଟନରଙ୍କୁ ଅନ୍ୟଜଣେ ପୁରୁଷଙ୍କ ସହିତ ଦେଖିବା ପରେ ଝଗଡ଼ା ଆରମ୍ଭ ହୋଇଯାଇଥିଲା। ଏମିତି କି ଜଗଦୀଶ ଉକ୍ତ ପୁରୁଷଙ୍କ ସହ ମହିଳାଙ୍କ ଭିଡିଓ କ୍ଲିପ ରେକର୍ଡ କରି ଦେଇଥିଲେ। ଏହାକୁ ନେଇ ଜଗଦୀଶ ମହିଳା କଳାକାରଙ୍କୁ ଧମକ ଦେବାରୁ ସେ ଜୀବନ ହାରି ଦେଇଥିଲେ। ମହିଳାଙ୍କ ପରିବାର ଲୋକଙ୍କ ଅଭି‌ଯୋଗକୁ କେନ୍ଦ୍ର କରି ବୁଧବାର ଜଗଦୀଶଙ୍କୁ ପୁଲିସ ଗିରଫ କରିଛି। 

Powered by Froala Editor