ଶାମ ବାହାଦୂର ଫିଲ୍ମକୁ ଆନନ୍ଦ ମହିନ୍ଦ୍ରାଙ୍କ ପ୍ରଶଂସା
ଭିକି କୌଶଲ । ଅଳ୍ପ ଦିନରେ ଲୋକଙ୍କ ହୃଦୟ ଜିତିଥିବା ନାଁଟି । ଏହି ଅଭିନେତା ପ୍ରାୟ ବାୟୋପିକ୍ ଫିଲ୍ମ କରିବାକୁ ପସନ୍ଦ କରନ୍ତି । ଏବେ ରିଲିଜ ହୋଇଥିବା ଶାମ ବାହାଦୂର ବି ଫିଲ୍ମ ହଲ୍ରେ ହଇଚଲ ସୃଷ୍ଟି କରିଛି । ଫିଲ୍ମକୁ ଦେଖିବା ପରେ ସମସ୍ତେ ଭିକିଙ୍କ ଅଭିନୟ ସହ କାହାଣୀକୁ ଜୋରଦାର ପ୍ରଶଂସା କରୁଛନ୍ତି । ଏହି ତାଲିକାରେ ଉଦ୍ୟୋଗପତି ଆନନ୍ଦ ମହିନ୍ଦ୍ରାଙ୍କ ନାଁ ମଧ୍ୟ ସାମିଲ ହୋଇଯାଇଛି ।
ଆନନ୍ଦ ଫିଲ୍ମ ଦେଖିବା ପରେ 'ଏକ୍ସ'ରେ ଆନନ୍ଦ ମହିନ୍ଦ୍ରା କହିଛନ୍ତି ଯେ, ଏହା ଏକ ଶକ୍ତିଶାଳୀ ପୂଣ୍ୟଚକ୍ର ଯାହାକି ସେତେବେଳେ ହୋଇଥାଏ ଯେତେବେଳେ କୌଣସି ଦେଶ ଏପରି ଫିଲ୍ମ ପ୍ରସ୍ତୁତ କରିଥାଏ । ଏହା ଆମ ନାୟକଙ୍କ କାହାଣୀକୁ ଦର୍ଶାଇଥାଏ । ବିଶେଷ ରୂପେ ଫିଲ୍ମଟି ସୈନିକ, ନେତୃତ୍ୱ ଓ ସାହାସର କାହାଣୀକୁ ଦର୍ଶାଉଛି । ଶାମ ବାହାଦୂର ରୂପେ ଭିକି କୌଶଲଙ୍କ ରୂପାନ୍ତରଣ ଲୋମ ଟାଙ୍କୁରେଇ ଦେଉଛି । ଏହା ସମସ୍ତଙ୍କୁ ପ୍ରେଣଣା ଦେବା ଭଳି ଫିଲ୍ମ । ସମସ୍ତେ ନିଶ୍ଚୟ ହଲ୍କୁ ଯାଇ ଏ ଫିଲ୍ମ ଦେଖନ୍ତୁ ବୋଲି ସେ କହିଛନ୍ତି ।
Powered by Froala Editor
