ନାବାଳିକାକୁ ଗର୍ଭବତୀ କରି ୬୧ ବର୍ଷୀୟ ବୃଦ୍ଧ ଗିରଫ
ଜଣେ ୬୧ ବର୍ଷୀୟ ବୃଦ୍ଧ ୧୭ ବର୍ଷର ନାବାଳିକାକୁ ବଳାତ୍କାର କରିବା ଅଭିଯୋଗରେ ଗିରଫ ହୋଇଛନ୍ତି । ନାବାଳିକା ଜଣକ ଏବେ ୬ ମାସର ଗର୍ଭବତୀ । ଗର୍ଭବତୀ ପରେ କଥା ପଦାକୁ ଆସିଥିଲା । ଘଟଣା ଜଣାପଡିବା ପରେ ପୁଲିସ ବୃଦ୍ଧଙ୍କୁୁ ଗିରଫ କରିଛି । ଏ ଘଟଣା ଘଟିଛି ପୁରୀ ଜିଲ୍ଲା ମାର୍କଣ୍ଡେଶ୍ୱର ସାହି ହରିଜନ ବସ୍ତିରେ । ଗିରଫ ବୃଦ୍ଧ ହେଲେ କାହ୍ନୁଚରଣ ବେହେରା । ସୋମବାର ଅଭିଯୁକ୍ତକୁ କୋର୍ଟ ଚାଲାଣ କରିଛି ପୁଲିସ।
ଗତ ୬ ମାସ ତଳେ ବୃଦ୍ଧ କାହ୍ନୁ ସେହି ଅଞ୍ଚଳର ଜଣେ ନାବାଳିକାଙ୍କ ଘରେ ପଶିଥିଲା । ଘରେ କେହି ନଥିବା ସୁଯୋଗରେ ନାବାଳିକାଙ୍କୁ ବଳାତ୍କାର କରିଥିଲା । ଏ ନେଇ ଗତ ୬ ତାରିଖରେ ନାବାଳିକାଙ୍କ ପକ୍ଷରୁ ଏତଲା ହେବା ପରେ ପୁଲିସ ଦଫା ୩୭୬ (୨)(ଏନ୍), ୫୦୬ ଆଇପିସି ଓ ୪ ପୋକ୍ସୋ ଆକ୍ଟ ବଳରେ ମାମଲା (୯୮/୨୧) ରୁଜୁ କରି ବୃଦ୍ଧକୁ ଗିରଫ କରିଛି ।
Powered by Froala Editor
