ଦଳିତ ନାବାଳକକୁ ପିଟି ମୁହଁରେ ପରିସ୍ରା କଲେ ୭ ଯୁବକ
![ଦଳିତ ନାବାଳକକୁ ପିଟି ମୁହଁରେ ପରିସ୍ରା କଲେ ୭ ଯୁବକ](https://odishanewslens.com/news_gallery/26186_1701026531.jpg)
ଉତ୍ତରପ୍ରଦେଶର ମେରଠରୁ ଏକ ନୃଶଂସ ଭିଡିଓ ସାମ୍ନାକୁ ଆସିଛି। ଭିଡିଓରେ ୭ଜଣ ଯୁବକ ଜଣେ ଦଳିତ ନାବାଳକଙ୍କ ମୁହଁରେ ପରିସ୍ରା କରୁଥିବା ଦେଖିବାକୁ ମିଳିଛି। ଏହି ଭିଡିଓ ପୁଲିସ ହାତରେ ପଡ଼ିବା ପରେ ସେ ଉକ୍ତ ୭ଜଣ ଯୁବକଙ୍କ ବିରୋଧରେ ମାମଲା ରୁଜୁ କରି ଅଭିଯୁକ୍ତଙ୍କୁ ଗିରଫ କରି ନେଇଛି।
ଉତ୍ତରପ୍ରଦେଶର ଜୌନପୁର ଜିଲ୍ଲା ମେରଠରୁ ଏହି ଘଟଣା ସାମ୍ନାକୁ ଆସିଛି। ଏଠାରେ ରହୁଥିବା ଜଣେ ଦ୍ବାଦଶଶ୍ରେଣୀର ଛାତ୍ର ତାଙ୍କର ମାଉସୀ ଘରକୁ ମିଠା ଦେବାକୁ ଯାଇଥିଲେ। ଏହି ସମୟରେ ରାସ୍ତାରେ ବୁଲୁଥିବା କିଛି ଯୁବକ ତାଙ୍କୁ ଅପହରଣ କରି ନେଇଥିଲେ। ନିଛାଟିଆ ସ୍ଥାନକୁ ନେଇ ୭ଜଣ ଯୁବକ ଛାତ୍ରଙ୍କୁ ମାଡ଼ ମାରିବା ସହିତ ତାଙ୍କ ମୁହଁରେ ପରିସ୍ରା କରି ଦେଇଥିଲେ। ନାବାଳକକୁ ପରିସ୍ରା ପିଇବାକୁ ବାଧ୍ୟ କରିବା ସହ ଶାରିରୀକ ଜୋର ଜବରଦସ୍ତ ଆଖି ପତାର ବାଳ କାଟି ଦେଇଥିଲେ। ଘଟଣାର ଭିଡିଓ କରି ସୋସିଆଲ ମିଡିଆରେ ପୋଷ୍ଟ କରିଥିଲେ।
ପୀଡ଼ିତ ତା’ପରଦିନ ଘରକୁ ଫେରି ଘଟଣା ବିଷୟରେ ଜଣାଇଥିଲେ। ଏହାପରେ ପରିବାରଲୋକ ଥାନାକୁ ଯାଇ ଅଭିଯୋଗ କରିଥିଲେ। ପୁଲିସ ପୀଡ଼ିତ ତଥା ତାଙ୍କ ପରିବାରଲୋକଙ୍କ ଅଭିଯୋଗକୁ କେନ୍ଦ୍ରକରି ୭ଜଣ ଯୁବକଙ୍କୁ ଗିରଫ କରି ମାମଲା ରୁଜୁ କରିଛନ୍ତି।
Powered by Froala Editor