ଚଳନ୍ତା ଭୋଲ୍ବୋ ବସ୍ରେ ନିଆଁ : ନିଜକୁ ବଞ୍ଚାଇବା ପାଇଁ ଡେଇଁ ପଡ଼ିଲେ ଯାତ୍ରୀ
ବୁଧବାର ଦିଲ୍ଲୀ ନିକଟ ଯମୁନା ଏକ୍ସପ୍ରେସ୍ଓ୍ବେରେ ଏକ ଯାତ୍ରୀବାହୀ ବସ୍ରେ ନିଆଁ ଲାଗିଯାଇଛି। ନୋଏଡାର ସେକ୍ଟର ୯୬ରେ ଏକ ଭୋଲବୋ ବସ୍ ୬୦ ଯାତ୍ରୀଙ୍କୁ ନେଇ ବିହାର ଯାଉଥିଲା। ଏତିକି ବେଳେ ଯାତ୍ରୀବାହୀ ବସ୍ରେ ହଠାତ୍ ନିଆଁ ଲାଗିଯାଇଥିଲା। ଦେଖୁ ଦେଖୁ ନିଆଁ ବିକଟାଳ ରୂପ ନେଇଥିଲା।
ଲୋକମାନେ ନିଜକୁ ବଞ୍ଚାଇବା ପାଇଁ ବସ୍ରୁ ଡେଇଁବାକୁ ବାଧ୍ୟ ହୋଇଥିଲେ। ଅଗ୍ନିଶମ କର୍ମଚାରୀମାନେ ତୁରନ୍ତ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ। ୟୁପି ୫୩ ଜିଟି ୨୯୦୭ ନମ୍ବର ବିଶିଷ୍ଟ ବସ୍ଟି ସେକ୍ଟର ୩୭ରୁ ସିଓ୍ବାନ ବିହାରକୁ ଯାଉଥିଲା। ସମସ୍ତ ଯାତ୍ରୀ ଛଟ୍ଟ୍ ପୂଜା ପାଇଁ ଘରକୁ ଯାଉଥିଲେ। ବସ୍ ଶୀତତାପ ନିୟନ୍ତ୍ରିତ ଥିଲା। ତେବେ ସମସ୍ତ ଯାତ୍ରୀ ସୁରକ୍ଷିତ ଥିବା ଜଣାପଡ଼ିଛି। ଶଟ୍ସର୍କିଟ୍ରୁ ନିଆଁ ଲାଗିଥାଇପାରେ।
Powered by Froala Editor
