ସକାଳ ସମୟ ଅତି ଶୁଭ ବୋଲି ବିବେଚନା କରାଯାଏ। ହିନ୍ଦୁ ଧର୍ମରେ, ସକାଳେ କରାଯାଇଥିବା କେତେକ କାର୍ଯ୍ୟ ଅତ୍ୟନ୍ତ ଶୁଭ ବୋଲି ବିବେଚନା କରାଯାଏ। କିନ୍ତୁ ଏପରି କିଛି କାର୍ଯ୍ୟ ଅଛି ଯାହା କରିବା ଅଶୁଭ ବୋଲି ବିବେଚନା କରାଯାଏ। ଏହି କାର୍ଯ୍ୟଗୁଡ଼ିକ ଆମ ଜୀବନରେ ନକାରାତ୍ମକ ପ୍ରଭାବ ପକାଇଥାଏ। 

ସକାଳେ ଉଠି ଅଇଁଠା ବାସନ ଦେଖିବା ଅଶୁଭ ବୋଲି ବିବେଚନା କରାଯାଏ। ଏହି ଦ୍ୱାରା, ଜୀବନରେ ନକାରାତ୍ମକ ଶକ୍ତି ପ୍ରାଧାନ୍ୟ ଦେଇଥାଏ । ରାତ୍ରିରେ ରୋଷେଇ ଘରେ ଅଇଁଠା ବାସନ ଛାଡିଲେ ଜୀବନରେ ଦାରିଦ୍ରତା ଆସିଥାଏ। ଯଦି କୌଣସି କାରଣରୁ ଆପଣ ରାତିରେ ଅଇଁଠା ବାସନ ସଫା କରିନଥାନ୍ତି, ତେବେ ଏହାକୁ ଏପରି ସ୍ଥାନରେ ରଖନ୍ତୁ ଯେପରି ସକାଳି ଉଠି ତାହା ଉପରେ ଆପଣଙ୍କ ନଜର ନପଡେ ।

ସକାଳେ ଉଠି ନିଜ ଛାୟା ଦେଖିବା ଉଚିତ୍ ନୁହେଁ, ନଚେତ୍ ଏହା ନକାରାତ୍ମକ ଫଳାଫଳ ଦେଇଥାଏ। ସକାଳେ ନିଜର ଛାୟା ଦେଖିବା ଦ୍ୱାରା ଜୀବନରେ ମାନସିକ ଚାପ ବଢିଥାଏ ଏବଂ ନକାରାତ୍ମକତା ସ୍ୱଭାବ ଆସିଥାଏ। ଏହି କାରଣରୁ, ଘରେ ଅସନ୍ତୋଷ ଦେଖାଦେଇଥାଏ। ଏହା ବ୍ୟତୀତ ସକାଳୁ ଉଠିବା ମାତ୍ରେ କୌଣସି ବନ୍ୟଜନ୍ତୁଙ୍କ ଛବି ନ ଦେଖିବା ପାଇଁ ଚେଷ୍ଟା କରନ୍ତୁ। ଏହାର ନକାରାତ୍ମକ ପ୍ରଭାବ ମଧ୍ୟ ଥାଏ।

ସକାଳୁ ଉଠି ଦର୍ପଣରେ ନିଜ ଚେହାରା ଦେଖିବା ଉଚିତ୍ ନୁହେଁ। ଏହା ଦ୍ୱାରା ଜୀବନରେ ଅନେକ ସମସ୍ୟା ଆସିଥାଏ। ଯଦି ଆପଣଙ୍କ ଘରେ ଏପରି କୌଣସି ସ୍ଥାନରେ ଦର୍ପଣ ଥାଏ, ଯଥା ସମ୍ଭବ ତାହାର ସ୍ଥାନ ବଦଳାଇ ଦିଅନ୍ତୁ।

Powered by Froala Editor