ବିଜେପି ସହ ସମ୍ପର୍କ ଭାଙ୍ଗିଲା ଏଆଇଏଡିଏମକେ
ତାମିଲନାଡୁରେ ଅଖିଳ ଭାରତୀୟ ଆନ୍ନା ଦ୍ରାବିଡ଼ ମୁନେତ୍ରା କଜଗମ (ଏଆଇଏଡିଏମକେ) ବିଜେପି ନେତୃତ୍ୱାଧୀନ ଜାତୀୟ ଗଣତାନ୍ତ୍ରିକ ମେଣ୍ଟ (ଏନଡିଏ) ସହ ମେଣ୍ଟ ଭାଙ୍ଗିବାକୁ ଔପଚାରିକଭାବେ ଘୋଷଣା କରିଛି। ସୋମବାର ବସିଥିବା ଏଆଇଏଡିଏମକେ ବୈଠକରେ ଏ ନେଇ ଏକ ପ୍ରସ୍ତାବ ଗୃହୀତ ହୋଇଛି ।
ଦଳ କହିଛି, ଗତ ଏକ ବର୍ଷ ଧରି ବିଜେପିର ରାଜ୍ୟ ନେତୃତ୍ୱ କ୍ରମାଗତ ଭାବେ ଆମର ପୂର୍ବତନ ନେତା, ଆମର ମହାସଚିବ ଇପିଏସ (ଏଡାପଡ୍ଡୀ ପଲାନିସ୍ବାମୀ) ଏବଂ ଆମର କାର୍ଯ୍ୟକର୍ତ୍ତାଙ୍କ ଉପରେ ଅନାବଶ୍ୟକ ମନ୍ତବ୍ୟ ଦେଉଛନ୍ତି। ତେବେ ବୈଠକରେ ସର୍ବସମ୍ମତି କ୍ରମେ ଏହି ପ୍ରସ୍ତାବ ପାରିତ ହୋଇଛି। ଏଆଇଏଡିଏମ୍କେ ନେତାଙ୍କ ବୈଠକ ପରେ ଦଳର ଉପ ସଂଯୋଜକ କେ.ପି ମୁନୁସାମି କହିଛନ୍ତି , ଆଜିଠାରୁ ଏନଡିଏ ସହ ସମସ୍ତ ସମ୍ପର୍କ ସମାପ୍ତ କରୁଛୁ।
ଏନଡିଏରୁ ଦଳ ବାହାରିବା ନେଇ ଗୋଟିଏ ସଂକଳ୍ପ ମଧ୍ୟ ପାରିତ କରିଛି। ଏଆଇଏଡିଏମକେର ଡେପୁଟି ସାଧାରଣ ସମ୍ପାଦକ କେପି ମୁନୁସାମୀ ଏ ସମ୍ପର୍କରେ ସୂଚନା ଦେଇଛନ୍ତି।
Powered by Froala Editor
