ସ୍ୟାଣ୍ଡ ଆର୍ଟରେ ୧୬ ବର୍ଷ ପୂର୍ବର କୀର୍ତ୍ତି, ଭାବ ବିହ୍ୱଳ ହେଲେ ଯୁବରାଜ
ନିକଟରେ ଏସିଆ କପ୍ ଜିତିଛି ଟିମ୍ ଇଣ୍ଡିଆ । ଶ୍ରୀଲଙ୍କା ବିପକ୍ଷରେ ବଡ଼ ବାଜି ମାରିନେଇଛି ଭାରତ । ତେବେ ଭାରତର ଖୁସି ସମୟରେ ଯୁବରାଜ ସିଂହ ତାଙ୍କର ପୂର୍ବ ଦିନଗୁଡିକ ମନେ ପକାଇ ଭାବ ବିହ୍ୱଳ ହୋଇପଡିଛନ୍ତି । ଏପରିକି ସେ ଏକ ସ୍ୟାଣ୍ଡ ଆର୍ଟ ପୋଷ୍ଟ କରିଛନ୍ତି ।
୧୬ ବର୍ଷ ପୂର୍ବେ ଭାରତୀୟ କ୍ରିକେଟର ଯୁବରାଜ ସିଂହ ଗୋଟିଏ ଓଭରର ୬ ବଲ୍ରେ ୬ ଛକା ମାରି ରେକର୍ଡ କରିଥିଲେ। ୨୦୦୭ ଆଇସିସି ଟି୨୦ ବିଶ୍ୱକପ୍ରେ ଇଂଲଣ୍ଡ ବିପକ୍ଷ ମୁକାବିଲାରେ ସେ ଏହି ରେକର୍ଡ କରିଥିଲେ। ତେବେ ପୁରୁଣା ଦିନକୁ ମନେ ପକାଇ ଇନଷ୍ଟାଗ୍ରାମରେ ଯୁବରାଜ ଏକ ଭିଡିଓ ଶେୟାର କରିଛନ୍ତି। ଭିଡିଓରେ ବାଲୁକାଶିଳ୍ପୀ ଫାଦରଙ୍କ ଏକ ସାଣ୍ଡ ଆର୍ଟ ଦେଖିବାକୁ ମିଳିଛି। ଭିଡିଓଟିକୁ ଏଯାବତ୨ ଲକ୍ଷରୁ ଅଧିକ ଥର ଦେଖାଯାଇସାରିଛି।
ସାଣ୍ଡ ଆର୍ଟର ଭିଡିଓ ଶେୟାର କରି ଯୁବରାଜ ଲେଖିଛନ୍ତି, ‘ଏହି ଇନିଂସକୁ ଏଭଳି କଳା ମାଧ୍ୟମରେ ଦେଖାଇଥିବାରୁ ଧନ୍ୟବାଦ। ଏହାକୁ ଯଦିଓ ଆପଣ ମୋର ଜନ୍ମଦିନ ଉପଲକ୍ଷେ ପ୍ରସ୍ତୁତ କରିଥିଲେ, ହେଲେ ଆଜି ଏହାକୁ ଶେୟାର କରିବାକୁ ଠିକ୍ ସମୟ ବୋଲି ଭାବୁଛି।’
Powered by Froala Editor
