ଅଭିନେତ୍ରୀ ରୁବିନା ଦିଲେକ ଦୀର୍ଘ ୫ ବର୍ଷ ପରେ ମା’ ହେବାକୁ ଯାଉଛନ୍ତି । ଏଥିପାଇଁ ସେ ବହୁତ ଖୁସି ଅଛନ୍ତି ଏବଂ ନୂଆ ଅତିଥିକୁ ସ୍ୱାଗତ କରିବା ପାଇଁ ପ୍ରସ୍ତୁତି ଆରମ୍ଭ କରୁଛନ୍ତି । ରୁବିନା ଓ ଅଭିନବ ଶୁକ୍ଳାଙ୍କ ପରିବାର ଜୋରସୋର ପ୍ରସ୍ତୁତି ବି ଆରମ୍ଭ କରି ଦେଲେଣି। ଏହି ଖୁସି ଖବରକୁ ରୁବିନା ନିଜେ ସୋସିଆଲ ମିଡିଆ ଆକାଉଣ୍ଟରେ ସେୟ‌ାର କରିଛନ୍ତି। ଫଟୋରେ ରୁବିନା ବେବି ବମ୍ପକୁ ସ୍ପଷ୍ଟ ଭାବେ ଦେଖାଇଥିବା ନଜର ଆସୁଛି।

ସ୍ବାମୀଙ୍କ ସହିତ ଫଟୋ ସେୟାର କରି ରୁବିନା କ୍ୟାପସନରେ ଲେଖିଛନ୍ତି, ‘ଆମେ ଯେତେବେଳେ ପରସ୍ପରକୁ ଡେଟ କରୁଥିଲୁ ସେତେବେଳେ ଅଭିନବ ଓ ମୁଁ କଥା ଦେଇଥିଲୁ କି ଦୁହେଁ ଆଗକୁ ସାଥୀ ହୋଇ ବାଟ ଚାଲିବୁ। ଯେତେ ବି ବାଧା ଆସିଲେ କେ‌ବେ କାହା ହାତ ଛାଡ଼ିବୁ ନାହିଁ। ୨୦୧୮ରେ ଆମର ବିବାହ ହୋଇଥିଲା। ବାହାଘର ପରେ ଆମେ ବେଶ ଖୁସିରେ ସମୟ କାଟିଛୁ। ବାହାଘରର ୫ବର୍ଷ ପରେ ମୋ ଜୀବନରେ ଆଉ ଏକ ଖୁସିର ମୁହୂର୍ତ୍ତ ଆସିଛି। କାରଣ ମୁଁ ମା’ ହେବାକୁ ଯାଉଛି।’

ସୂଚନା ଅନୁଯାୟୀ,  ରୁବିନା ଗର୍ଭବତୀ ଥିବା ଖବରକୁ ଗଣମାଧ୍ୟମରୁ ଲୁଚାଇ ରଖିବାକୁ ଚାହୁଥିଲେ। ସେଥିପାଇଁ ସେ ଆମେରିକାକୁ ଲମ୍ବା ଛୁଟି କଟାଇବାକୁ ଚାଲିଯାଇଥିଲେ। ତେଣୁ ରୁବିନା ଓ ତାଙ୍କ ସ୍ବାମୀ ଅଭିନବ ଶୁକ୍ଲା ବନ୍ଧୁମାନଙ୍କୁ ମଧ୍ୟ ଭେଟୁ ନଥିଲେ। କିନ୍ତୁ ଏବେ ନିଜେ ଫଟୋ ସେୟାର କରି ବେବି ବମ୍ପ ଦେଖାଇଛନ୍ତି । ଫଟୋ ଦେଖି ତାଙ୍କ ପ୍ୟାନମାନେ ଶୁଭେଚ୍ଛା ଜଣାଇଛନ୍ତି । 

Powered by Froala Editor