ଗୋରୁ ଚରାଇବାକୁ କେନ୍ଦ୍ର କରି ଆକ୍ରମଣ, ଗୁଳିମାଡ଼ : ୫ ଜଣଙ୍କ ମୃତ୍ୟୁ
![ଗୋରୁ ଚରାଇବାକୁ କେନ୍ଦ୍ର କରି ଆକ୍ରମଣ, ଗୁଳିମାଡ଼ : ୫ ଜଣଙ୍କ ମୃତ୍ୟୁ](https://odishanewslens.com/news_gallery/24356_1694627018.jpg)
ମଧ୍ୟପ୍ରଦେଶର ଦାତିଆରେ ଗୋରୁ ଚରାଇବାକୁ ନେଇ ଦୁଇ ଗୋଷ୍ଠୀ ମଧ୍ୟରେ ରକ୍ତାକ୍ତ ସଂଘର୍ଷ ହୋଇଛି। କିଛି ଦିନ ଧରି ଦୁଇ ଜଣଙ୍କ ମଧ୍ୟରେ ଚାଲିଥିବା ବିବାଦ ବୁଧବାର ଭୟଙ୍କର ରୂପ ଧାରଣ କରିଛି। ହାତାହାତି ଓ ଗୁଳି ମାଡ଼ ଯୋଗୁ ୫ ଜଣଙ୍କ ମୃତ୍ୟୁ ଘଟିଥିବା ବେଳେ ୧୦ରୁ ଅଧିକ ଲୋକ ଆହତ ହୋଇଛନ୍ତି।
ପୁଲିସ କହିଛି ଯେ, ଗତ ୩ ଦିନ ହେଲା ଗୋରୁ ଚରାଇବାକୁ ନେଇ ପ୍ରକାଶ ଡାଙ୍ଗି ଓ ପ୍ରୀତମ ପାଲଙ୍କ ମଧ୍ୟରେ ବିବାଦ ଲାଗି ରହିଥିଲା। ଉଭୟ ପ୍ରକାଶ ଓ ପ୍ରୀତମ ଏନେଇ ସିଭିଲ ଲାଇନ ପୁଲିସ୍ ଷ୍ଟେସନରେ ଲିଖିତ ଅଭିଯୋଗ କରିଥିଲେ। ପୁଲିସ୍ ଅଭିଯୋଗର ଯାଞ୍ଚ କରୁଥିବା ବେଳେ ବୁଧବାର ସଂଘର୍ଷ ଘଟିଥିଲା।
ବୁଧବାର ପ୍ରକାଶ ଓ ପ୍ରୀତମଙ୍କ ଲୋକମାନେ ପରସ୍ପରକୁ ଆକ୍ରମଣ ଓ ଗୁଳିମାଡ଼ ମଧ୍ୟ କରିଥିଲେ। ଗୁଳିମାଡ଼ରେ ଉଭୟ ପକ୍ଷର ଲୋକ ଆହତ ହୋଇଥିଲେ। ସମସ୍ତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲେ ମଧ୍ୟ ସେଠାରେ ପ୍ରକାଶ ଡାଙ୍ଗି, ରାମନରେଶ ଡାଙ୍ଗି, ସୁରେନ୍ଦ୍ର ଡାଙ୍ଗି, ରାଜେନ୍ଦ୍ର ପାଲ ଓ ରାଘବେନ୍ଦ୍ର ପାଲଙ୍କ ମୃତ୍ୟୁ ଘଟିଛି।
Powered by Froala Editor