ଓ୍ବେଲକମ୍ ଟୁ ଦ ଜଙ୍ଗଲ'ର ସୁଟିଂ ବନ୍ଦ
ଓ୍ବେଲକମ୍ ଟୁ ଦ ଜଙ୍ଗଲ' ଫିଲ୍ମକୁ ନେଇ ନୂଆ ବିବାଦ ଦେଖାଦେଇଛି। କୁହାଯାଉଛି ଯେ ଫିଲ୍ମର ସୁଟିଂକୁ ବନ୍ଦ କରିଦିଆଯାଇଛି।
ଫେଡେରେଶନ ଅଫ ୱେଷ୍ଟର୍ନ ଇଣ୍ଡିଆ ସିନେ କର୍ମଚାରୀ (ଏଫ୍ଡବ୍ଲ୍ୟୁଆଇସିଇ) ଫିଲ୍ମର ନିର୍ମାତା ଫିରୋଜ ନାଡିଆଡୱାଲାଙ୍କ ବିରୋଧରେ ଗୁରୁତର ଅଭିଯୋଗ ଆଣିଛନ୍ତି। କର୍ମଚାରୀଙ୍କ ଅଭିଯୋଗ ଯେ, ୨୦୧୫ରେ ୱେଲକମ-୨ ରିଲିଜ ହୋଇଥିଲା । ସେତେବେଳେ ଫିଲ୍ମ ଭଲ ଆୟ କରିଥିଲା । ହେଲେ ଏଯାଏ ସେମାନେ ପାରିଶ୍ରମିକ ପାଇନାହାନ୍ତି ।
ଏହି କର୍ମଚାରୀମାନଙ୍କ ମଧ୍ୟରେ ଅନେକ ଟେକ୍ନିସିଆନ ଏବଂ କଳାକାର ଅନ୍ତର୍ଭୁକ୍ତ, ଯେଉଁମାନେ ଏଯାଏ ଦରମା ପାଇନାହାଁନ୍ତି। ଫିରୋଜ କର୍ମଚାରୀମାନଙ୍କୁ ଦରମା ଦେବା ପାଇଁ ପ୍ରାୟ ୪କୋଟି ଟଙ୍କା କଥା ହୋଇଥିଲେ। କିନ୍ତୁ ପରେ ସେ ଏହାକୁ ୨କୋଟି ଟଙ୍କାକୁ ହ୍ରାସ କରିଥିଲେ। ଯେତେବେଳେ କର୍ମଚାରୀମାନେ ଚେକ୍କୁ ବ୍ୟାଙ୍କକୁ ନେଇକି ଯାଇଥିଲେ, ଚେକ ବାଉନ୍ସ ହୋଇଥିଲା।
ସୂଚନା ଅନୁଯାୟୀ, ୱେଲକମ୍-୨ ପରେ ଏବେ ୱେଲକମ ଟୁ ଦ ଜଙ୍ଗଲର ସୁଟିଂ ଚାଲିଛି । ଯେଉଁଥିରେ ବଲିଉଡ କଳାକାର ଅକ୍ଷମ କୁମାର ଅଛନ୍ତି । ଟିଜର ରିଲିଜ ପରେ ଦର୍ଶକ ଉତ୍ସାହିତ ଥିବାବେଳେ କର୍ମଚାରୀଙ୍କ ବିକ୍ଷୋଭ ଯୋଗୁଁ ଫିଲ୍ମ ସୁଟିଂ ବନ୍ଦ ହୋଇପଡିଛି ।
Powered by Froala Editor
