ନୂଆଦିଲ୍ଲୀ : ଶନିବାର ଦିନ ଭାରତ ଅଧ୍ୟକ୍ଷତାରେ ଅନୁଷ୍ଠିତ ଜି -୨୦ ବୈଠକରେ ଆୟୋଜିତ ହୋଇଥିବା ଜି -୨୦ ଶିଖର ସମ୍ମିଳନୀରେ ମୁକେଶ ଅମ୍ବାନୀ ଏବଂ ଗୌତମ ଆଦାନୀଙ୍କୁ ମଧ୍ୟ ନିମନ୍ତ୍ରଣ କରାଯାଇଛି । ଭାରତର ଏହି ଦୁଇ ଧନୀ ବ୍ୟକ୍ତିତ୍ୱ ଜି -୨୦ ନେତାଙ୍କ ସହ ଯୋଗଦେବେ । ଭାରତ ବିଶ୍ୱର ଦ୍ରୁତ ଅଭିବୃଦ୍ଧିଶୀଳ ପ୍ରମୁଖ ଅର୍ଥନୀତି ଭାବରେ ନିଜର ସ୍ଥିତି ପ୍ରଦର୍ଶନ କରିବ । ଏହି ରାତ୍ରୀ ଭୋଜନ ପାଇଁ ପ୍ରାୟ ୫୦୦ ବ୍ୟବସାୟିକ ବ୍ୟକ୍ତିତ୍ୱଙ୍କୁ ନିମନ୍ତ୍ରଣ ପଠାଯାଇଛି । ଅନ୍ୟ ଭାରତୀୟ ସେଲିବ୍ରିଟିଙ୍କ ମଧ୍ୟରେ ଟାଟା ସନ୍ସ ଚେୟାରମ୍ୟାନ୍‌ ଏନ ଚନ୍ଦ୍ରଶେଖରନ୍‌, ବିଲିୟନେୟାର କୁମାର ମଙ୍ଗଲମ୍‌ ବିର୍ଲା, ଭାରତ ଏୟାରଟେଲ୍‌  ପ୍ରତିଷ୍ଠାତା-ଅଧ୍ୟକ୍ଷ ସୁନୀଲ ମିତ୍ତଲ ଅଛନ୍ତି ବୋଲି ରଏଟର୍ସ ରିପୋର୍ଟ କରିଛି ।

ଖବର ଅନୁଯାୟୀ ନୂଆଦିଲ୍ଲୀରେ ହେବାକୁ ଥିବା ଜି -୨୦ ଶିଖର ସମ୍ମିଳନୀରେ ଆମେରିକାର ରାଷ୍ଟ୍ରପତି ଜୋ ବିଡେନ, ବ୍ରିଟିଶ ପ୍ରଧାନମନ୍ତ୍ରୀ ଋଷି ସୁନକ, ସାଉଦି କ୍ରାଉନ ପ୍ରିନ୍ସ ମହମ୍ମଦ ବିନ ସଲମାନ, କାନାଡାର ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ଏବଂ ଜାପାନ ପ୍ରଧାନମନ୍ତ୍ରୀ ଫୁମିଓ କିଶିଡା ଯୋଗଦେବେ ବୋଲି ଆଶା କରାଯାଉଛି । ବିଶେଷ କରି ଚୀନ୍‌ର ଅର୍ଥନୀତି ମନ୍ଥର ହୋଇଥିବାରୁ ଭାରତକୁ ବାଣିଜ୍ୟ ଏବଂ ପୁଞ୍ଜି ବିନିଯୋଗର ଲକ୍ଷ୍ୟସ୍ଥଳ ଭାବରେ ପ୍ରୋତ୍ସାହିତ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିଶ୍ୱର ସବୁଠାରୁ ଶକ୍ତିଶାଳୀ ଅର୍ଥନୀତିର ଜି -୨୦ ଗୋଷ୍ଠୀକୁ ଆଗେଇ ନେବାକୁ ଚେଷ୍ଟା କରିଛନ୍ତି ବୋଲି ସୂତ୍ରରୁ ପ୍ରକାଶ ।

Powered by Froala Editor