ଏଥର ବିଗ୍ ବସ୍ରେ ସିଙ୍ଗଲ-କପଲ୍ସ ଥିମ୍
ଏବେ ଏବେ 'ବିଗ୍ବସ୍ ଓଟିଟି ସିଜିନ୍ ୨' ଶେଷ ହୋଇଛି । ହେଲେ ଦର୍ଶକ ବିଗ୍ବସ୍ ୧୭ କେବେ ଆରମ୍ଭ ହେବ, ଏହା ସହ କେଉଁ ପ୍ରତିଯୋଗୀ ଭାଗ ନେବେ ତାହା ଜାଣିବା ନେଇ ବହୁତ ଉତ୍ସାହିତ ରହିଛନ୍ତି । ତେବେ ବିଗ୍ବସ୍ ର ଏହି ସିଜିନରେ କେଉଁ ସେଲିବ୍ରିଟି ଦେଖିବା ପାଇଁ ମିଳିବେ ତାହା ଦେଖିବାରେ ଅଛି ।
ସୂଚନା ମୁତାବକ, ବିଗ୍ ବସ୍ ୧୭ରୁ ପ୍ରତିଯୋଗୀଙ୍କ ଲିଷ୍ଟ ସାମ୍ନାକୁ ଆସିଛି । ୧୨ ଜଣ ପ୍ରତିଯୋଗୀ ମଧ୍ୟରୁ ୩ ଜଣ ୟୁଟ୍ୟବର୍ ଇଶା ମାଲଭିୟା, ସୌରଭ ଯୋଶୀ ଏବଂ ଅନୁରାଗ ଡୋଭାଲ ଏହି ସିଜିନରେ ନଜର ଆସିପାରନ୍ତି । ସୋ ରେ ଟିଭି ଦୁନିଆର ଜଣାଶୁଣା କଳାକାର ନଜର ଆସିବେ । ଯେପରି କୁଅଁର ଢିଲୋନ ଏବଂ ଏଲିସା କୌସିକ୍, ହର୍ଶ ବେନିଓ୍ଵାଲ, ମଲିକା ସିଂ, ସୁମେଦ୍ ମୁଦଗାଲକର, ଟି୍ଵଙ୍କଲ ଆରୋରା, ସମର୍ଥ ଜୁରେଲ ଏବଂ ଐଶ୍ୱର୍ଯ୍ୟା ଶର୍ମା ଏବଂ ନିଲ ଭଟ୍ଟଙ୍କ ଭଳି ଅଭିନେତା ନଜର ଆସିବାକୁ ଯାଉଛନ୍ତି ।
ତେବେ ଦର୍ଶକ ମଧ୍ୟ ବିଗ୍ ବସ୍ର ଏହି ସିଜିନ୍କୁ ଦେଖିବାକୁ ଖୁବ୍ ଅପେକ୍ଷା କରିଛନ୍ତି । କୁହାଯାଉଛି ଯେ, ଏହି ବର୍ଷ ବିଗ୍ବସ୍ ୧୭ରେ କପଲ୍ ଏବଂ ସଙ୍ଗିଲ୍ଙ୍କ ପ୍ରତିଯୋଗିତା ଦେଖିବା ପାଇଁ ମିଳିପାରେ । ଆଲୋଚନାରେ ସବୁଠୁ ଆଗରେ ଅଛନ୍ତି ଲୋକପ୍ରିୟ ଟିଭି ଅଭିନେତ୍ରୀ ଅଙ୍କିତା ଲୋଖଣ୍ଡେ ଓ ତାଙ୍କ ସ୍ୱାମୀ ଭିକି ଜୈନ । ଲୋକପ୍ରିୟ ଟିଭିସୋ ପବିତ୍ର ରିସ୍ତାରେ ଅର୍ଚ୍ଚନା ଭୂମିକାରେ ଅଭିନୟ କରି ଘରେ ଘରେ ପରିଚିତ ହୋଇଥିଲେ ଅଙ୍କିତା । ତାଙ୍କ ସ୍ୱାମୀ ଭିକି ଜୈନ୍ ପେସାରେ ଜଣେ ବିଜନେସ ମ୍ୟାନ୍ ।
Powered by Froala Editor
