ଅଙ୍କିତା ଲୋଖଣ୍ଡେଙ୍କ ବାପାଙ୍କ ଦେହାନ୍ତ
![ଅଙ୍କିତା ଲୋଖଣ୍ଡେଙ୍କ ବାପାଙ୍କ ଦେହାନ୍ତ](https://odishanewslens.com/news_gallery/23539_1691862342.jpg)
ମୁମ୍ବାଇରେ ଟେଲି ଅଭିନେତ୍ରୀ ଅଙ୍କିତା ଲୋଖଣ୍ଡେଙ୍କ ବାପା ଶ୍ରୀକାନ୍ତ ଲୋଖଣ୍ଡେଙ୍କର ଦେହାନ୍ତ ହୋଇଛି। ତେବେ ବର୍ତ୍ତମାନ ପର୍ଯ୍ୟନ୍ତ ଶ୍ରୀକାନ୍ତ ଲୋଖଣ୍ଡେଙ୍କ ମୃତ୍ୟୁର କାରଣ ଜଣା ପଡିନାହିଁ। ଅଙ୍କିତାଙ୍କ ବାପା ଜଣେ ବ୍ୟାଙ୍କର୍ ଥିଲେ। ଅବସର ନେଇ ସେ ଘରେ ଥିବା ବେଳେ ୬୮ବର୍ଷ ବୟସରେ ତାଙ୍କର ଦେହାନ୍ତ ହୋଇଛି।
ଅଙ୍କିତା ୨୦୦୯ ମସିହାରେ ଏକତା କପୁରଙ୍କ ଧାରାବାହିକ ‘ପବିତ୍ର ରିସ୍ତା’ ସହିତ ଅଭିନୟରେ ଡେବ୍ୟୁ କରିଥିଲେ। ଏହି ସୋ’ରେ ତାଙ୍କୁ ଦିବଂଗତ ଅଭିନେତା ସୁଶାନ୍ତ ସିଂ ରାଜପୁତଙ୍କ ବିପକ୍ଷରେ ଦେଖିବାକୁ ମିଳିଥିଲା। ସେ ଅର୍ଚ୍ଚନା ଭୂମିକାରେ ନଜର ଆସି ଘରେ ଘରେ ଲୋକପ୍ରିୟ ହୋଇଥିଲେ। ଏହା ପରେ ଅଙ୍କିତା ‘କମେଡି ସର୍କସ’, ‘ଏକ ଥି ନାୟକା’ ଏବଂ ‘ଝଲକ ଦିଖଲା ଜା’ ସମେତ ଅନେକ ସୋ’ କରିଥିଲେ। ଅଙ୍କିତା ବଲିଉଡ ଫିଲ୍ମରେ ମଧ୍ୟ କାମ କରିଛନ୍ତି।
ତେବେ ଅଙ୍କିତା ତାଙ୍କ ବାପାଙ୍କର ଅତି ନିକଟତର ଥିଲେ। ସେ ଅନେକ ସମୟରେ ନିଜ ବାପାଙ୍କ ସହିତ ଫଟୋ ଏବଂ ଭିଡିଓ ପୋଷ୍ଟ କରୁଥିଲେ। ଶ୍ରୀକାନ୍ତଙ୍କ ମୃତଦେହକୁ ଶେଷ ଦର୍ଶନ ପାଇଁ ତାଙ୍କ ଇଣ୍ଟରଫେସ ଆପାର୍ଟମେଣ୍ଟରେ ରଖାଯାଇଛି। ତାଙ୍କର ଅନ୍ତିମସଂସ୍କାର ଓଶିୱାରାଠାରେ ହେବ।
Powered by Froala Editor