୯ ମିଲିୟନ ଡଲାରରେ ନ୍ୟୁୟର୍କ ଫ୍ଲାଟ୍ ବିକିଦେଲେ ଆମ୍ବାନୀ
ମୁକେଶ ଅମ୍ବାନୀ ନିଜ ନ୍ୟୁୟର୍କ ସ୍ଥିତ ମେନହଟ୍ଟନର ଆପାର୍ଟମେଣ୍ଟକୁ ବିକିଦେଇଛନ୍ତି । ମୁକେଶ ଅମ୍ବାନୀ ନିଜ ଏହି ଲକ୍ସରୀ ଫ୍ଲାଟକୁ ପ୍ରାୟ ୭୪.୫୩ କୋଟି ଟଙ୍କା ଅର୍ଥାତ୍ ୯ ମିଲିୟନ୍ ଡଲାରରେ ବିକିଛନ୍ତି । ନ୍ୟୁୟର୍କ ପୋଷ୍ଟର ରିପୋର୍ଟରେ ଏସମ୍ପର୍କରେ ଖୁଲାସା କରାଯାଇଛି ।
ମୁକେଶ ଅମ୍ବାନୀ ଯେଉଁ ଫ୍ଲାଟ୍ ବିକିଛନ୍ତି ତାହା ମେନହଟ୍ଟନର ସୁପିରିୟର ଇଙ୍କ ନାମକ ବିଲ୍ଡିଂର ୪ର୍ଥ ଫ୍ଲୋରରେ ରହିଛି । ଏହି ବିଲ୍ଡିଂରେ ସମୁଦାୟ ୧୭ ଫ୍ଲୋର ନିର୍ମିତ । ଏହା ସହିତ ଏଥିରେ ୨ ବେଡରୁମ୍ ଏବଂ ୩ ବାଥରୁମ୍ ସହିତ ଏକ ଶେଫ୍ କିଚେନ୍ ମଧ୍ୟ ରହିଛି । ଏହି ଫ୍ଲାଟରେ ସମସ୍ତ ଝରକା ନଏଜ୍ ପ୍ରୁଫ୍ । ଏଠାରେ ମୁକେଶ ଅମ୍ବାନୀଙ୍କ ପଡୋଶୀ ହିଲେଲୀ ସ୍ୱାଙ୍କ ଏବଂ ମାର୍କ ଜେକବ୍ସ ଭଳି ବ୍ୟକ୍ତି ରୁହନ୍ତି । ଏହି ବିଲ୍ଡିଂରେ ଆପାର୍ଟମେଣ୍ଟ ରହିଛି ଯାହା ୧୯୧୯ ମସିହାର । ଏହା ପୂର୍ବରୁ ସୁପିରିୟର ଇଙ୍କ ଫ୍ୟାକ୍ଟ୍ରି ନାଁରେ ଜଣାଯାଉଥିଲା । ତେବେ ଅମ୍ବାନୀ ଏହି ଫ୍ଲାଟ କାହିଁକି ବିକ୍ରି କଲେ ସେ ବିଷୟରେ ସବିଶେଷ ତଥ୍ୟ ମିଳିନାହିଁ ।
Powered by Froala Editor
