ଚୋର କହି ୨ ନାବାଳକଙ୍କୁ ନର୍ଯାତନା : ମଳଦ୍ୱାରରେ କଞ୍ଚାଲଙ୍କା ଦଳିଦେଲେ
![ଚୋର କହି ୨ ନାବାଳକଙ୍କୁ ନର୍ଯାତନା : ମଳଦ୍ୱାରରେ କଞ୍ଚାଲଙ୍କା ଦଳିଦେଲେ](https://odishanewslens.com/news_gallery/23376_1691341051.jpg)
ଚୋରି ଅଭିଯୋଗରେ ଦୁଇ ନାବାଳକଙ୍କୁ ପଶୁଠୁ ବି ହୀନ ଅତ୍ୟାଚାର କରାଯାଇଛି । ଉତ୍ତର ପ୍ରଦେଶ ସିଦ୍ଧାର୍ଥ ନଗରରେ ଦୁଇ ଜଣ ନାବାଳକଙ୍କୁ ବଳପୂର୍ବକ କିଛି ଲୋକ ପରିସ୍ରା ପିଆଇଛନ୍ତି। ନିବସ୍ତ୍ର କରି କଞ୍ଚା ଲଙ୍କାକୁ ସେମାନଙ୍କ ମଳ ଦ୍ୱାରାରେ ଭର୍ତ୍ତି କରି ଦେଇଛନ୍ତି। ଖାଲି ସେତିକି ନୁହେଁ, ଦୁଇ ନାବାଳକଙ୍କୁ କୌଣସି ଅଜଣା ଇଞ୍ଜେକସନ ମଧ୍ୟ ଦିଆଯାଇଛି। ଦୁଇ ପୀଡ଼ିତଙ୍କ ମଧ୍ୟରୁ ଜଣଙ୍କ ବୟସ ୧୦ ଓ ଆଉ ଜଣଙ୍କ ବୟସ ୧୫ ବର୍ଷ। କେବଳ ଚୋରି ସନ୍ଦେହରେ ସେମାନଙ୍କୁ ଏପରି ଭୟଙ୍କର ଦଣ୍ଡ ଦିଆଯାଇଛି।
ଏ ଭିଡିଓ ଅଗଷ୍ଟ ୪ର । ଅରଶନ ଚିକେନ ଦୋକାନ ନିକଟରେ ଏଭଳି ଅମାନବୀୟ ଘଟଣା ଘଟିଥିଲା । ପୁଲିସ ନିଜ ଆଡ଼ୁ ଘଟଣାକୁ ଗୁରୁତ୍ୱର ସହ ନେଇଛି। ଘଟଣାରେ ସାମିଲ ଥିବା ସମସ୍ତଙ୍କୁ ଚିହ୍ନଟ କରାଯାଇଛି। ସେମାନଙ୍କ ମଧ୍ୟରୁ ୬ ଜଣଙ୍କୁ ଅଟକ ରଖାଯାଇଛି ।
ଦୁଇ ନାବାଳକଙ୍କୁ ପ୍ରଥମେ ମାଡ଼ ମରାଯିବା ସହ କଞ୍ଚା ଲଙ୍କା ଖାଇବାକୁ ଦିଆଯାଇଥିଲା। ସେମାନଙ୍କୁ ବୋତଲରେ ଭର୍ତ୍ତି ହୋଇଥିବା ପରିସ୍ରା ପିଇବାକୁ ବାଧ୍ୟ କରାଯାଇଥିଲା। ସେମାନେ ଛାଡ଼ି ଦେବାକୁ ନେହୁରା ହୋଇଥିଲେ। କିନ୍ତୁ ସେଠାରେ ଉପସ୍ଥିତ ଥିବା ଲୋକମାନେ କିଛି ବି ଶୁଣି ନଥିଲେ। ସେମାନେ ଉଭୟଙ୍କୁ ମାଡ଼ର ଭୟ ଦେଖାଇଥିଲେ।
ଭିଡିଓରେ ଦେଖିବାକୁ ମିଳୁଛି ଯେ ଦୁଇ ନାବାଳକ ମୁହଁ ମାଡ଼ି ତଳେ ପଡ଼ିଛନ୍ତି। ସେମାନଙ୍କ ହାତକୁ ପଛ ପଟେ ବନ୍ଧା ଯାଇ ପ୍ୟାଣ୍ଟକୁ ଖୋଲି ଦିଆଯାଇଛି। ଜଣେ ବ୍ୟକ୍ତି ଦୁଇ ନାବାଳକଙ୍କ ମଳଦ୍ୱାରରେ କଞ୍ଚା ଲଙ୍କା ଦଳିବା ସହ ଏହାକୁ ଭର୍ତ୍ତି କରୁଥିବା ଦେଖିବାକୁ ମିଳୁଛି। ଯନ୍ତ୍ରଣା ସହି ନ ପାରେ ସେମାନେ ଚିତ୍କାର କରୁଥିବା ବେଳେ ଗୋଟିଏ ତଳର ଜନିଷକୁ ବ୍ୟବହାର କରି ସେମାନଙ୍କୁ ଇଞ୍ଜେକସନ ଦିଆଯାଉଛି। ତେବେ ଏପରି ଘଟଣାକୁ ନେଇ ନିନ୍ଦା କରାଯାଇଛି । ତୁରନ୍ତ କାର୍ଯ୍ୟାନୁଷ୍ଠାନ ଦାବି କରାଯାଇଛି । ଏପରିକି ପୁଲିସ ନିଜ ଆଡୁ ମାମଲା ରୁଜୁ କରିଛି ।
Powered by Froala Editor