'ୟେ ରିସ୍ତା କ୍ୟା କେହଲାତା ହୈ' ରେ ବେଶ୍‌ ଲୋକପ୍ରିୟ ଚରିତ୍ର ଥିବା ଅଭିନେତା କରଣ ମେହେରାଙ୍କୁ ଗତକାଲି ରାତିରେ ଗିରଫ କରାଯାଇଛି। କରନ ମେହେରାଙ୍କ ବିରୋଧରେ ଗୋରେଗାଓଁରେ ତାଙ୍କ ପତ୍ନୀ ନିଶା ରାୱଲ ଅଭିଯୋଗ ଆଣିଥିଲେ। କରଣ ମେହେରା ଏବଂ ନିଶା ରାୱଲଙ୍କ ଦାମ୍ପତ୍ୟ ଜୀବନ ଠିକଠାକ ଚାଲିନଥିଲା। ବିବାଦ ବଢ଼ିବା ପରେ ନିଶା ରାୱଲ କରଣଙ୍କ ବିରୋଧରେ ଏହି ଅଭିଯୋଗ ଆଣିଛନ୍ତି। ଆଇପିସିର ଧାରା ୩୩୬ ଏବଂ ୩୩୭ ଅନୁଯାୟୀ ଏକ ଏଫ୍‌ଆଇଆର୍‌ ପଞ୍ଜିକୃତ ହୋଇଛି। ତେବେ କରନ ଏଭଳି ଖବରକୁ କେବଳ ଗୁଜବ ବୋଲି କହିଛନ୍ତି। ସେ କହିଛନ୍ତି ଯେ ଉଭୟଙ୍କ ମଧ୍ୟରେ ସମ୍ପର୍କ ମଜବୁତ। ଏଭଳି ରିପୋର୍ଟ କେଉଁଠୁ ଆସୁଛି ତାହା ସେ ଜାଣିନାହାନ୍ତି। କରନ ଏବଂ ନିଶାଙ୍କ ମଧ୍ୟରେ ପ୍ରକୃତରେ କ'ଣ ଘଟିଛି ତାହାର ସମ୍ପୂର୍ଣ୍ଣ ବିବରଣୀ ପ୍ରକାଶ କରାଯାଇ ନାହିଁ। 

ମୁମ୍ବାଇ ପୋଲିସ କହିଛି ଯେ, ଅଭିନେତ୍ରୀ ନିଶା ରାୱଲ କରଣ ମେହେରାଙ୍କ ବିରୋଧରେ ମାଡ଼ ମାରିଥିବା ଅଭିଯୋଗ ଆଣିଛନ୍ତି ଏବଂ ତାଙ୍କ ନାଁରେ ଏକ ମାମଲା ରୁଜୁ ହୋଇଛି। ବର୍ତ୍ତମାନ କରଣ ମେହେରା ଗୋରେଗାଓଁ ପୋଲିସ ଷ୍ଟେସନରେ ଅଛନ୍ତି ଏବଂ ମୁମ୍ବାଇ ପୋଲିସ ତାଙ୍କ ବୟାନ ରେକର୍ଡ କରୁଛି। ମେହେରାଙ୍କୁ ମଙ୍ଗଳବାର ଦିନ ମାଜିଷ୍ଟ୍ରେଟ କୋର୍ଟରେ ହାଜର କରାଯିବ।

କରନ ୨୪ ନଭେମ୍ବର ୨୦୧୨ ରେ ଅଭିନେତ୍ରୀ ନିଶାଙ୍କୁ ବିବାହ କରିଥିଲେ। ଉଭୟ ପରସ୍ପରକୁ ୬ ବର୍ଷ ଧରି ଡେଟ କରିଥିଲେ। ୨୦୧୭ ରେ ସେମାନଙ୍କର ଏକ ପୁଅ ହୋଇଥିଲା । କରନ ଷ୍ଟାର୍ ପ୍ଲସ୍ ସିରିଏଲ୍ 'ୟେ ରିସ୍ତା କ୍ୟା କହଲାତା ହୈ' ରୁ ନିଜର କ୍ୟାରିଅର୍ ଆରମ୍ଭ କରିଥିଲେ । ଏହା ପରେ ସେ 'ନଚ୍ ବଲିୟେ ୫', 'ନଚ୍ ବଲିୟେ ଶ୍ରୀମାନ ଭର୍ସେସ୍ ଶ୍ରୀମତୀ' ଏବଂ 'ବିଗ୍ ବସ୍ ୧୦' ରେ ଭାଗ ନେଇଥିଲେ ।

Powered by Froala Editor