କୋର୍ଟରେ ହାଜିରା ବେଳେ ଚମ୍ପଟ ମାରିଲା ମାଙ୍କଡ ଛୁଆ
ବନ୍ୟଜନ୍ତୁଙ୍କ ବ୍ୟବସାୟ କିମ୍ବା ସେମାନଙ୍କୁ ପୋଷିବା ବେଆଇନ କାର୍ଯ୍ୟ। କିନ୍ତୁ ଏହି ନିୟମକୁ ଅଣଦେଖା କରି ପାକିସ୍ତାନରେ ଏମିତି ଏକ ର୍ୟାକେଟ ସକ୍ରିୟ ହୋଇଛି । ଏଥିରୁ ପୁଲିସ ୨ ଜଣଙ୍କୁ ଗିରଫ କରିଥିଲା । ସେମାନଙ୍କ ଠାରୁ ୧୪ଟି ମାଙ୍କଡ ଛୁଆଙ୍କୁ ଉଦ୍ଧାର କରାଯାଇଥିଲା । ହେଲେ କୋର୍ଟରେ ହାଜର ବେଳେ ଏକ ମଜାଳିଆ ଘଟଣା ଘଟିଥିଲା । ହାଜର ହୋଇଥିବା ୧୪ ମାଙ୍କଡ ଛୁଆଙ୍କ ଭିତରୁ ଗୋଟିଏ ଗଛ ଉପରକୁ ଚମ୍ପଟ ମାରିଥିଲା ।
ସୂଚନାଯୋଗ୍ୟ, କରାଚିରେ ଗତ ଗୁରୁବାର ଦୁଇଜଣ ଲୋକଙ୍କୁ ଗିରଫ କରାଯାଇଥିଲା । ଗିରଫ ଦୁଇଜଣ ଆମ୍ବ ରପ୍ତାନୀ ପାଇଁ ବ୍ୟବହୃତ ବାକ୍ସରେ ୧୪ଟି ମାଙ୍କଡ଼ ଛୁଆଙ୍କୁ ଭର୍ତ୍ତି କରି ଚାଲାଣ କରିବାକୁ ନେଉଥିବା ଜଣାପଡ଼ିଥିଲା। ପୁଲିସ ସମସ୍ତ ମାଙ୍କଡ଼ ଛୁଆଙ୍କୁ ଉକ୍ତ ବାକ୍ସରୁ ଉଦ୍ଧାର କରି କୋର୍ଟରେ ପ୍ରମାଣ ସ୍ବରୂପ ହାଜର କରିଥିଲା। ଏଥିମଧ୍ୟରୁ ଗୋଟିଏ ମାଙ୍କଡ଼ ଫେରାର ହୋଇଯାଇଥିଲା।
ଫେରାର ମାଙ୍କଡ଼ ଯାଇ କୋର୍ଟ ପରିସରରେ ଥିବା ଗଛରେ ଚଢ଼ି ଯାଇଥିଲା। ଉକ୍ତ ଛୁଆମାଙ୍କଡ଼କୁ ଗଛରୁ ଓହ୍ଲାଇବା ପାଇଁ କୋର୍ଟ କର୍ମଚାରୀ ବହୁତ ଚେଷ୍ଟା କରିଥିଲେ। ଛୁଆ ମାଙ୍କଡ଼ ପାଇଁ କୋର୍ଟ କର୍ମଚାରୀ ନାକେଦମ ହୋଇଯାଇଥିଲେ। ଶେଷରେ ଛୁଆ ମାଙ୍କଡ କୋର୍ଟରେ ହାଜର ହୋଇଥିଲା ।
Powered by Froala Editor
