ଧନୀ ବିଧାୟକଙ୍କ ତାଲିକା ପ୍ରକାଶ କଲା ଆସୋସିଏସନ୍ ଫର୍ ଡେମୋକ୍ରାଟିକ ରିଫର୍ମ(ADR) ଏବଂ ନ୍ୟାସନାଲ୍ ଇଲେକ୍ସନ୍ ୱାଚ୍(NEW) । ଏଡିଆର ରିପୋର୍ଟ ଅନୁଯାୟୀ କର୍ଣ୍ଣାଟକର ଉପମୁଖ୍ୟମନ୍ତ୍ରୀ ହୋଇଥିବା ଡିକେ ଶିବକୁମାରଙ୍କ ସମ୍ପତ୍ତି ୧୪୧୩ କୋଟି ଟଙ୍କା। ଏବଂ ଦେଶର ପରବର୍ତ୍ତୀ ଅନ୍ୟ ଦୁଇ ଧନୀ ବିଧାୟକ ମଧ୍ୟ କର୍ଣ୍ଣାଟକର।  ତାଲିକାର ଦ୍ଵିତୀୟ ସ୍ଥାନରେ ଅଛନ୍ତି ସ୍ୱାଧୀନ ବିଧାୟକ କେଏଚ୍‌ ପୁଟ୍ଟାସ୍ୱାମୀ ଗୌଡ଼ା, ଯାହାଙ୍କ ପାଖରେ ୧୨୬୭ କୋଟି ଟଙ୍କାର ସମ୍ପତ୍ତି ରହିଛି। ତାଙ୍କ ପଛକୁ କଂଗ୍ରେସର ପ୍ରିୟା କ୍ରିଷ୍ଣା ଅଛନ୍ତି, ଯାହାଙ୍କ ପାଖରେ ୧୧୫୬ କୋଟି ଟଙ୍କା ରହିଛି।

ସମ୍ପତ୍ତି ବିଷୟରେ ପଚରାଯିବାରୁ ଶିବକୁମାର କହିଛନ୍ତି ଯେ ସେ ଧନୀ ନୁହଁନ୍ତି, କିନ୍ତୁ ସେ ଗରିବ ମଧ୍ୟ ନୁହଁନ୍ତି। ‘ମୁଁ ଧନୀ ନୁହେଁ। ଏଗୁଡ଼ିକ ହେଉଛି ସେହି ସମ୍ପତ୍ତି ଯାହାକୁ ମୁଁ ଦୀର୍ଘ ବର୍ଷ ପରିଶ୍ରମ କରି ହାସଲ କରିଛି। ମୋର ଟଙ୍କା ଜଣେ ବ୍ୟକ୍ତିଙ୍କ ନାମରେ ଅଛି, ଏବଂ ମୁଁ ଏହାକୁ ସେହିଭଳି ରଖିଛି। ମୁଁ ଧନୀ ନୁହେଁ ଏବଂ ମୁଁ ଗରିବ ନୁହେଁ’।

ଶ୍ରେଷ୍ଠ କୋଡ଼ିଏ ଧନୀ ବିଧାୟକଙ୍କ ମଧ୍ୟରେ ୧୨ ଜଣ କର୍ଣ୍ଣାଟକ ବିଧାୟକ ରହିଛନ୍ତି। ADR ରିପୋର୍ଟ କହୁଛି ୧୪ ପ୍ରତିଶତ କର୍ଣ୍ଣାଟକ ବିଧାୟକ କୋଟିପତି, ଯେଉଁମାନଙ୍କର ଶହେ କୋଟିରୁ ଊର୍ଦ୍ଧ୍ୱ ସମ୍ପତ୍ତି ରହିଛି ଏବଂ ସମଗ୍ର ଭାରତରେ ବିଧାନସଭା ସଦସ୍ୟଙ୍କ ହାରାହାରି ସମ୍ପତ୍ତି ୧୩.୬୩ କୋଟି ରହିଛି।

Powered by Froala Editor