ରପ୍ତାନି ପ୍ରସ୍ତୁତି ସୂଚକାଙ୍କ ସାମଗ୍ରିକ ରାଙ୍କିଂରେ ଏକାଦଶ ସ୍ଥାନରେ ଓଡ଼ିଶା
ନୂଆଦିଲ୍ଲୀ : ରପ୍ତାନି ପ୍ରସ୍ତୁତି ସୂଚକାଙ୍କ ୨୦୨୨ର ସାମଗ୍ରିକ ରାଙ୍କିଂରେ ଓଡ଼ିଶା ଏକାଦଶ ସ୍ଥାନରେ ରହିଛି। ନିତି ଆୟୋଗ ପକ୍ଷରୁ ଆଜି ଏହି ସୂଚକାଙ୍କ ପ୍ରକାଶ ପାଇଛି। ଓଡ଼ିଶାର ସ୍କୋର ହେଉଛି ୫୮. ୮୪ । ୨୦୨୧ରେ ଏହି ସୂଚୀରେ ଓଡ଼ିଶା ତ୍ରୟୋଦଶ ସ୍ଥାନରେ ଥିଲା। ୨୦୨୨ର ରପ୍ତାନି ପ୍ରସ୍ତୁତି ସୂଚକାଙ୍କରେ ୮୦.୮୯ ସ୍କୋର ସହ ତାମିଲନାଡ଼ୁ ଶୀର୍ଷ ସ୍ଥାନରେ ରହିଛି। ପ୍ରଥମ ୧୦ଟି ସ୍ଥାନ ମଧ୍ୟରେ ମହାରାଷ୍ଟ୍ର, କର୍ଣ୍ଣାଟକ,ଗୁଜରାଟ, ହରିୟାଣା, ତେଲେଙ୍ଗାନା, ଉତ୍ତରପ୍ରଦେଶ, ଆନ୍ଧ୍ରପ୍ରଦେଶ, ଉତ୍ତରାଖଣ୍ଡ ଓ ପଞ୍ଜାବ ରହିଛନ୍ତି।
କେନ୍ଦ୍ର ଶାସିତ ଅଂଚଳ ଲାକ୍ଷାଦ୍ବୀପ ୩୬ତମ ସ୍ଥାନରେ ରହିଛି। ଏହି ସୂଚୀରେ ଦେଶର ସମସ୍ତ ୩୬ଟି ରାଜ୍ୟ ଓ କେନ୍ଦ୍ର ଶାସିତ ଅଂଚଳର ରୢାଙ୍କିଂ ପ୍ରଦାନ କରାଯାଇଛି। ସେମାନଙ୍କ ନୀତି, ବ୍ୟବସାୟିକ ପରିବେଶ, ରପ୍ତାନି ପରିବେଶ ଓ ପ୍ରଦର୍ଶନ ଭଳି ୪ଟି ବର୍ଗରେ ବିସ୍ତୃତ ଆକଳନ ସହ ରୢାଙ୍କିଂ ପ୍ରଦାନ କରାଯାଇଛି। ଉପକୂଳ ରାଜ୍ୟ ତାମିଲନାଡୁ, ମହାରାଷ୍ଟ୍ର, କର୍ଣ୍ଣାଟକ ଓ ଗୁଜରାଟର ପ୍ରର୍ଦଶନ ଉତ୍ତମ ରହିଛି। ନିତି ଆୟୋଗ ଦ୍ବାରା ପ୍ରକାଶିତ ଇପିଆଇର ତୃତୀୟ ସଂସ୍କରଣକୁ ଆୟୋଗର ଉପାଧ୍ୟକ୍ଷ ସୁମନ ବେରି ଉନ୍ନୋଚନ କରିଥିଲେ।
Powered by Froala Editor
