ଭୁବନେଶ୍ୱର :  ପ୍ରକାଶ ପାଇଛି ଏକକ ବିଶ୍ୱବିଦ୍ୟାଳୟ ପ୍ରବେଶିକା ପରୀକ୍ଷା ସ୍ନାତକ (ସିୟୁଇଟି- ୟୁଜି) ରେଜଲ୍ଟ । ନ୍ୟାସନାଲ୍‌ ଟେଷ୍ଟିଂ ଏଜେନ୍ସି ପକ୍ଷରୁ ଏହି ରେଜଲ୍ଟ ପ୍ରକାଶ ପାଇଛି । ପରୀକ୍ଷାରେ ୫୬୮୫ ଛାତ୍ରଛାତ୍ରୀ ଇଂରାଜୀ ବିଷୟରେ ଶତପ୍ରତିଶତ ମାର୍କ ହାସଲ କରିଛନ୍ତି । ହିନ୍ଦୀରେ ୧୦୨ ଛାତ୍ରଛାତ୍ରୀ, ସଂସ୍କୃତରେ ୪୧, ଭୂଗୋଳରେ ୩୮୯, ଇତିହାସରେ ୧୩୬୧ ଓ ଓଡ଼ିଆରେ ୩ଜଣ ଛାତ୍ରଛାତ୍ରୀ ଶତ ପ୍ରତିଶତ ରେଜଲ୍ଟ ହାସଲ କରିଛନ୍ତି । ୨୭ଜଣ ଓଡ଼ିଆରେ ୯୫ ପ୍ରତିଶତରୁ ଅଧିକ ମାର୍କ ରଖିଛନ୍ତି । ଓଡ଼ିଆରେ ମୋଟ ୪୩୨ ଜଣ ଛାତ୍ରଛାତ୍ରୀ ପଞ୍ଜିକରଣ କରିଥିବା ବେଳେ ୨୩୬ଜଣ ପରିକ୍ଷା ଦେଇଥିଲେ । ମେ ୨୧ରୁ ଜୁଲାଇ ୫ ତାରିଖ ମଧ୍ୟରେ ସିୟୁଇଟି-ୟୁଜି ପରୀକ୍ଷା ହୋଇଥିଲା । ୯ ଟି ପର୍ୟ୍ୟାୟରେ ପରୀକ୍ଷା କରାଯାଇଥିଲା ।
ଚଳିତବର୍ଷ ୨୮ ଲକ୍ଷ ୬ ହଜାର ୨୧ ଛାତ୍ରଛାତ୍ରୀ ପରୀକ୍ଷା ପାଇଁ ପଞ୍ଜିକରଣ କରିଥିଲେ । ଏଥିରୁ ୧୯ଲକ୍ଷ ୧୫ହଜାର ୪୪୫ଜଣ ପରୀକ୍ଷା ଦେଇଥିଲେ । ଏହା ମଧ୍ୟରୁ ସାଧାରଣ ବର୍ଗରେ ୬ଲକ୍ଷ ୭୮ହଜାର ୧୫୫ଜଣ, ଓବିସି ବର୍ଗରେ ୪ଲକ୍ଷ ୭୮ହଜାର ୪୪୫ଜଣ, ଇଡବ୍ଲ୍ୟୁଏସ୍‌ରେ ୬୫ହଜାର ୨୦୬ଜଣ, ଏସ୍‌ସି ବର୍ଗରେ ୧ଲକ୍ଷ ୫୦ହଜାର ୬୯୮, ଏସ୍‌ଟି ବର୍ଗରେ ୧ ଲକ୍ଷ ୬ହଜାର ୨୮୭ ଜଣ ପରୀକ୍ଷା ଦେଇଥିଲେ । ୧୩ ଆଞ୍ଚଳିକ ଭାଷାରେ ପରୀକ୍ଷା ହୋଇଥିଲା । ୨୯୫ଟି ସହରର ୨୪୯ଟି ବିଶ୍ୱବିଦ୍ୟାଳୟରେ ପରୀକ୍ଷା ହୋଇଥିଲା ।

Powered by Froala Editor