ପବ୍‌ଜୀ ଖେଳୁ ଖେଳୁ ପାକିସ୍ତାନ ସୀମା ଡେଇଁ ଚାଲି ଆସିଛନ୍ତି ସୀମା । ସଚିନଙ୍କ ପେଅମରେ ଅନ୍ଧ ହୋଇ ୪ ପିଲାଙ୍କୁ ଧରି ସେ ଭାରତରେ ରହୁଛନ୍ତି । ହେଲେ ସୀମାଙ୍କ ପିଲାଦିନର ସାଙ୍ଗ ବୋଲି କହୁଥିବା ଜଣେ ପାକିସ୍ତାନୀ ଯୁବତୀଙ୍କ ଭିଡିଓ ଏବେ ଭାଇରାଲ୍‌ ହୋଇଛି। ଯୁବତୀ ଜଣକ ସୀମାଙ୍କୁ ଖୁବ୍ ଭଲ ଭାବେ ଜାଣନ୍ତି‌ ବୋଲି ଦାବି କରିବା ସହ ସେ ଜଣେ ପ୍ରତାରକ ବୋଲି କହିଛନ୍ତି।

ଯୁବତୀ କହୁଥିବାର ଶୁଣିବାକୁ ମିଳିଛି, ‘‘ମୁଁ ସୀମାକୁ ପିଲାଦିନରୁ ଜାଣିଛି। ତା’ର ଆଚରଣ ହିଁ ଏହିପରି। ସେ ହିନ୍ଦୁ ଏବଂ ପାକିସ୍ତାନୀମାନଙ୍କୁ ଧୋକା ଦେଉଛି। ସୀମା ଯେପରି ଇସ୍‌ଲାମ ଧର୍ମ ଛାଡ଼ି ହିନ୍ଦୁ ବନିଛି, ସେହିପରି ହିନ୍ଦୁଧର୍ମ ଛାଡ଼ି ଖ୍ରୀଷ୍ଟିୟାନ୍‌ ବି ବନିଯିବ। ତା’ର ଅନେକ ବନ୍ଧୁ (ପୁରୁଷ) ଅଛନ୍ତି। ତାକୁ କେବେ ବି ଶାନ୍ତି ମିଳେନି। ସୀମା ଭାରତ ଯାଇ କ୍ରିକେଟ୍‌ ମ୍ୟାଚ୍‌ ଦେଖିବ ବୋଲି କହୁଥିଲା ଓ ଏବେ ଡ୍ରାମା ଅ‌ାରମ୍ଭ କରିଦେଲା।’’

ସୂଚନା ଅନୁଯାୟୀ, କିଛି ଦିନ ହେଲା ସୀମା ହାଇଦର ଓ ସଚିନଙ୍କ ପ୍ରେମ କାହାଣୀକୁ ନେଇ ଚର୍ଚ୍ଚା ଚାଲିଛି । ଦୁହେଁ ଦୁହିଁଙ୍କୁ ଛାଡିବାକୁ ନାରାଜ ଥିବାବେଳେ ସୀମାଙ୍କ ପରିବାର ତାଙ୍କୁ ପାକିସ୍ତାନ ଫେରିଆସ ବୋଲି କହୁଛନ୍ତି । ଏପଟେ ମୁମ୍ବାଇ ପୋଲିସକୁ ମଧ୍ୟ ସୀମାଙ୍କ ପାଇଁ ଧମକ ମିଳୁଛି । 

Powered by Froala Editor