ଧୀରେନ୍ଦ୍ର ଶାସ୍ତ୍ରୀଙ୍କ କାର୍ଯ୍ୟକ୍ରମରେ ଅଘଟଣ : ଧସେଇ ଆସିଲେ ୫ ଲକ୍ଷ ଶ୍ରଦ୍ଧାଳୁ, ଅନେକ ଅଚେତ
![ଧୀରେନ୍ଦ୍ର ଶାସ୍ତ୍ରୀଙ୍କ କାର୍ଯ୍ୟକ୍ରମରେ ଅଘଟଣ : ଧସେଇ ଆସିଲେ ୫ ଲକ୍ଷ ଶ୍ରଦ୍ଧାଳୁ, ଅନେକ ଅଚେତ](https://odishanewslens.com/news_gallery/22826_1689189012.jpg)
ବାଗେଶ୍ୱର ଧାମର ପଣ୍ଡିତ ଧୀରେନ୍ଦ୍ର ଶାସ୍ତ୍ରୀଙ୍କ ‘କଥା’ କାର୍ଯ୍ୟକ୍ରମରେ ଅଘଟଣ ଘଟିଛି। ବୁଧବାର ଗ୍ରେଟର ନୋଏଡା ଠାରେ ଚାଲିଥିବା ଏହି କାର୍ଯ୍ୟକ୍ରମ ଏକାଠି ହୋଇଥିବା ଭକ୍ତଙ୍କ ଭିଡ ଅନିୟନ୍ତ୍ରିତ ହୋଇ ଦଳଚକଟାରେ ଅନେକ ଲୋକ ଚେତାଶୂନ୍ୟ ହୋଇଯାଇଥିଲେ। କିଛି ଲୋକ ବାହାରେ ଥିବାବେଳେ ବିଦ୍ୟୁତ୍ କରେଣ୍ଟରେ ଆହତ ହୋଇଛନ୍ତି।
ସୂଚନା ଅନୁସାରେ, ବାଗେଶ୍ୱରର ବାବା ପଣ୍ଡିତ ଧୀରେନ୍ଦ୍ର କୃଷ୍ଣ ଶାସ୍ତ୍ରୀଙ୍କୁ ଭେଟିବା ପାଇଁ ୫ଲକ୍ଷ ଭକ୍ତ ଆସିଥିଲେ। ବ୍ୟବସ୍ଥାଠାରୁ ଅଧିକ ଲୋକ ଆସିବାରୁ ଗରମ ହେତୁ ଅନେକ ଲୋକ ଅଚେତ ହୋଇପଡ଼ିଥିବା ଜଣାପଡ଼ିଛି। ଆସିଥିବା ଭକ୍ତଙ୍କ ମଧ୍ୟରୁ ୧୦ଜଣ ଗୁରୁତର ଆହତ ହୋଇଥିବା ବେଳେ ସମସ୍ତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଏବେ ପରିସ୍ଥିତି ନିୟନ୍ତ୍ରଣରେ ଅଛି। ପୁଲିସ ପରିସ୍ଥିତିକୁ ନିୟନ୍ତ୍ରଣକୁ ଆଣିଥିବା ବେଳେ ପେଣ୍ଡାଲରେ ଏବେ ବି ୧ଲକ୍ଷରୁ ଅଧିକ ଭକ୍ତ ଉପସ୍ଥିତ ରହିଥିବା ଜଣାପଡ଼ିଛି। ତେବେ କାର୍ଯ୍ୟକ୍ରମର ଆୟୋଜକ ଏଭଳି କିଛି ଘଟିଥିବାର ଖବରକୁ ଅସ୍ବୀକାର କରିଛନ୍ତି।
Powered by Froala Editor