ଭୁବନେଶ୍ୱର:ରାଜ୍ୟରେ ଭୟଙ୍କର ହେଉଛି କରୋନା ସ୍ଥିତି ।  ବଢୁଛି କରୋନାର କାୟା ।  ସ୍ଥିତି ହେଉଛି ବେକାବୁ । ଓଡ଼ିଶାରେ କରୋନା ମହାମାରୀର ମହାସମର ଆରମ୍ଭ ହୋଇଯାଇଛି । କରୋନା ଏବେ ଲମ୍ବ ଡିଆଁ ମାରି ଗୋଟିକ ପରେ  ଗୋଟିଏ ଜିଲ୍ଲାରେ ପ୍ରବେଶ କରିବା ସହ ଆତଙ୍କ ଖେଳାଇ ଚାଲିଛି । ଦିନକୁ ଦିନ ଆକ୍ରାନ୍ତଙ୍କ ସଂଖ୍ୟା ବଢି ଚାଲିଛି । ଏହାରି ଭିତରେ  ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହୋଇଥିବା ୯୫୪୧ ଆକ୍ରାନ୍ତଙ୍କ ମଧ୍ୟରୁ ୫୩୪୩ ପଜିଟିଭ ଆକ୍ରାନ୍ତ କ୍ବାରାଣ୍ଟିନ୍‌ ସେଣ୍ଟରରୁ ଚିହ୍ନଟ ହୋଇଥିବା ବେଳେ ୪୧୯୮ ସ୍ଥାନୀୟ ବାସିନ୍ଦା ପଜିଟିଭ ଚିହ୍ନଟ। ଏହାକୁ ମିଶାଇ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୭ ଲକ୍ଷ ୫୬ ହଜାର ୬୮୪ଜଣ ଜଣ ବୃଦ୍ଧି ପାଇଛି। ଏନେଇ ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ଟ୍ବିଟ୍‌ ଯୋଗେ ସୂଚନା ଦିଆଯାଇଛି।
ଚିହ୍ନଟ ସଂକ୍ରମିତଙ୍କ ମଧ୍ୟରୁ ଖୋର୍ଦ୍ଧାରୁ ସର୍ବାଧିକ ୧୩୪୨ ଜଣ, କଟକରୁ ୭୧୬ ଜଣ, ମୟୂରଭଞ୍ଜର ୬୯୫ ଜଣ, ସୁନ୍ଦରଗଡ଼ରୁ ୫୯୫ ଜଣ, ଅନୁଗୁଳରୁ ୫୬୨ ଜଣ, ପୁରୀରୁ ୫୨୮ ଜଣ, ଯାଜପୁରରୁ ୪୮୯ ଜଣ, ଭଦ୍ରକରୁ ୪୬୪ ଜଣ, କଳାହାଣ୍ଡିରୁ ୩୧୫ ଜଣ, ବାଲେଶ୍ବରରୁ ୩୦୨ ଜଣ, ଜଗତସିଂହପୁରରୁ ୨୯୯ ଜଣ,ବାରଗଡ଼ରୁ ୨୮୪ ଜଣ, ନବରଙ୍ଗପୁରରୁ ୨୫୪ ଜଣ, ସୋନପୁରରୁ ୨୪୫ ଜଣ, ନୟାଗଡ଼ରୁ ୨୩୦ ଜଣ, ସମ୍ବଲପୁରରୁ ୨୨୯ ଜଣ,କୋରାପୁଟରୁ ୨୧୫ ଜଣ,ବୌଦ୍ଧ ଓ କେନ୍ଦୁଝର ଜିଲ୍ଲାରୁ ୧୭୭ ଜଣ ଲେଖାଏଁ, ରାୟଗଡ଼ାରୁ ୧୬୪ ଜଣ, ଗଞ୍ଜାମରୁ ୧୫୦ ଜଣ, ଝାରସୁଗୁଡ଼ାରୁ ୧୪୦ ଜଣ, ମଲକାନଗିରିରୁ ୧୨୩ ଜଣ,ଢ଼େଙ୍କାନାଳରୁ ୧୧୭ ଜଣ, କେନ୍ଦ୍ରାପଡ଼ାରୁ ୧୧୪ ଜଣ, କନ୍ଧମାଳରୁ ୧୦୭ ଜଣ,ବଲାଙ୍ଗୀରୁ ୧୦୧ ଜଣ, ଗଜପତିରୁ ୬୯ ଜଣ, ଦେବଗଡ଼ରୁ ୬୧ ଜଣ, ନୂଆପଡ଼ାରୁ ୫୦ ଜଣ ଏବଂ ଷ୍ଟେଟ୍ ପୋଲ୍‌ରୁ ୨୨୭ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି।
ସୂଚନାଯୋଗ୍ୟ ଯେ, ରାଜ୍ୟରେ ବର୍ତ୍ତମାନ ସୁଦ୍ଧା ମୋଟ୍ ୭ ଲକ୍ଷ ୫୬ ହଜାର ୬୮୪ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏଥି ମଧ୍ୟରୁ ୯୫ ହଜାର ୨୨୬ ଜଣ ଆକ୍ଟିଭ୍‌ କେସ୍‌ ରହିଥିବା ବେଳେ ୬ ଲକ୍ଷ ୫୮ ହଜାର ୬୪୬ ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ଏହାସହ କରୋନା ଯୋଗୁଁ ୨୬୮୬ ଜଣଙ୍କର ମୃତ୍ୟୁ ହୋଇଛି ।

Powered by Froala Editor