୧୧ ବର୍ଷ ପରେ ବାପା ମା’ ହେଲେ...
ବିବାହର ୧୧ ବର୍ଷ ପରେ ବାପା ମା’ ହୋଇଛନ୍ତି ରାମଚରଣ ଓ ଉପାସନା । ପତ୍ନୀ ଉପାସନା ଏକ କନ୍ୟା ସନ୍ତାନକୁ ଜନ୍ମ ଦେଇଛନ୍ତି। ହାଇଦ୍ରାବାଦ ସ୍ଥିତ ଆପୋଲୋ ହସ୍ପିଟାଲ ପକ୍ଷରୁ ଏହି ସୂଚନା ଦିଆଯାଇଛି । ଉଭୟ ମା' ଓ ପିଲା ସୁସ୍ଥ ଥିବା ମେଡିକାଲ ପକ୍ଷରୁ କହୁଯାଇଛି । ଉଭୟଙ୍କର ଏହା ପ୍ରଥମ ସନ୍ତାନ।
୨୦୧୨ ଜୁନ୍ ୧୪ରେ ରାମଚରଣ ଓ ଉପାସନା ବିବାହ କରିଥିଲେ । ରାମଚରଣ ସାଉଥ ଇଣ୍ଡଷ୍ଟ୍ରିରେ ଜଣେ ସଫଳ ଅଭିନେତା ତଥା ମେଗାଷ୍ଟାର ଚିରଞ୍ଜୀବୀଙ୍କ ପୁଅ । ସେପଟେ ଉପାସନା ବିଜନେସମ୍ୟାନ ଅନିଲ୍ କାନିମେନିଙ୍କ ଝିଅ । ବିବାହର ୧୧ ବର୍ଷ ପରେ ଏବେ ରାମଚରଣ ଏବଂ ଉପାସନାଙ୍କର କନ୍ତା ସନ୍ତାନଟି ଜନ୍ମ ହୋଇଛି ।
ରାମଚରଣ ଏବଂ ଉପାସନାଙ୍କ କନ୍ୟା ସନ୍ତାନ ପରେ ଚାରିଆଡୁ ଶୁଭେଚ୍ଛାର ସୁଅ ଛୁଟୁଛି । ଅନେକ ଅଭିନେତା ଓ ଅଭିନେତ୍ରୀ ମଧ୍ୟ ଶୁଭେଚ୍ଛା ଜଣାଇଛନ୍ତି । ଅଭିନେତ୍ରୀ ରକୁଲପ୍ରୀତ ସିଂହ ଇନ୍ଷ୍ଟା ଷ୍ଟୋରିରେ ରାମଚରଣ ଏବଂ ଉପାସନାଙ୍କୁ ଶୁଭେଚ୍ଛା ଜଣାଇଛନ୍ତି ।
Powered by Froala Editor
