ଦିନେ ଇଡ୍ଲୀ ବିକିବାକୁ କହିଥିଲେ ପ୍ରଯୋଜକ, ଆଜି ଆଗ ଧାଡିର ଅଭିନେତା
ଚେହେରା କି ଅଭିନୟ କାହାକୁ ପସନ୍ଦ ଆସୁନଥିଲା । କଳା ରଙ୍ଗ ଦେଖି ପ୍ରଯୋଜକ ବି ମୁହଁ ଫେରାଇ ନେଉଥିଲେ । ଅଭିନେତୀମାନେ ତ ଦୂରର କଥା । କେହି ବି କାମ ଦେବାକୁ ରାଜି ହେଉନଥିଲେ । ଏମିତି ବି ସମୟ ଆସିଥିଲା ଯେତେବେଳେ ପ୍ରଯୋଜ, ନିର୍ଦ୍ଦେଶକ ମୋତେ ଇଡ୍ଲୀ ବିକିବାକୁ ପରାମର୍ଶ ଦେଇଥିଲେ । କିନ୍ତୁ ମୁଁ ହାରି ନାହିଁ କି ପଛକୁ ଫେରିନାହିଁ । ସେଥିପାଇଁ ସଫଳତା ମୋ ପାଖରେ । ଏମିତି କିଛି ହୃଦୟକୁ ଛୁଇଁଲା ଭଳି କଥା କହିଛନ୍ତି ସୁନୀଲ ସେଟ୍ଟୀ ।
ସୁନୀଲ ଏକ ସାକ୍ଷାତକାରରେ କହିଛନ୍ତି, 'ମୋର ଚେହେରା ଓ ଅଭିନୟକୁ କେହି ବି ପସନ୍ଦ କରୁ ନଥିଲେ। ଫିଲ୍ମ ଦୁନିଆରୁ ଫେରିଯିବାକୁ କହିଥିଲେ। ଏଥିସହିତ ଅଭିନୟ ଛାଡ଼ି ଇଡ୍ଲୀ ବିକ୍ରି କଲେ ମୋ ପାଇଁ ଭଲ ବୋଲି ପ୍ରଯୋଜକ ପରାମର୍ଶ ବି ଦେଇଥିଲେ। କେବଳ ଏତିକି ନୁହେଁ ସିନେମା ପାଇଁ ଆସିଥିବା ଅନେକ ଅଭିନେତ୍ରୀ ମୋ ଚେହେରା ଦେଖି କାମ କରିବେ ନାହିଁ ବୋଲି ମନା କରି ଦେଉଥିଲେ। ଏଥିପାଇଁ ବି ମୋତେ କାମ ମିଳୁ ନଥିଲା। ଅନେକ କଷ୍ଟ ଓ ଯନ୍ତ୍ରଣା ସହିଛି। ତଥାପି ହାରି ନଥିଲି। ମନକୁ ଦୃଢ଼ କରି ଆଗେଇ ଚାଲିଥିଲି। ସେହି କଷ୍ଟ ସହି ଥିବାରୁ ଆଜି ମୁଁ ଏହି ସଫଳତା ପାଇଛି।'
Powered by Froala Editor
