ଉତ୍କର୍ଷାଙ୍କୁ ମରାଠୀ ନୀତିରେ ବିବାହ କଲେ ଋତୁରାଜ
ଋତୁରାଜ ଗାଏକ୍ୱାଡ ତାଙ୍କ ପ୍ରେମିକା ଉତ୍କର୍ଷା ପାୱାରଙ୍କୁ ବିବାହ କରିଛନ୍ତି। ଶନିବାର ସେ ଉତ୍କର୍ଷାଙ୍କୁ ମରାଠୀ ନୀତିକାନ୍ତି ଅନୁସାରେ ବିବାହ କରିଛନ୍ତି। ବାହାଘର ବେଳର କିଛି ରୋମାଣ୍ଟିକ ଫଟୋକୁ ମଧ୍ୟ ଗାଏକ୍ୱାଡ ଇନଷ୍ଟାଗ୍ରାମରେ ଶେୟାର କରିଛନ୍ତି। ଏହି ବିବାହ କାର୍ଯ୍ୟକ୍ରମରେ ଶିବମ ଦୁବେ ଓ ପ୍ରଶାନ୍ତ ସୋଲାଙ୍କିଙ୍କ ଭଳି କ୍ରିକେଟ ଯୋଗ ଦେଇଥିଲେ। ଶିଖର ଧୱନ, ରାଶିଦ ଖାନ, ଶ୍ରେୟସ ଆୟର ଓ ଉମ୍ରାନ ମଲିକଙ୍କ ଭଳି ଖେଳାଳି ସୋଶାଲ ମିଡିଆରେ ନବ ଦମ୍ପତିଙ୍କୁ ଶୁଭେଚ୍ଛା ଜଣାଇଛନ୍ତି। ମ
ଚଳିତ ଆଇପିଏଲରେ ଦମଦାର ପ୍ରଦର୍ଶନ କରିବା ସହ ଚେନ୍ନାଇକୁ ୫ମ ଟ୍ରଫି ଭେଟି ଦେବାରେ ଗାଏକ୍ୱାଡ ମଧ୍ୟ ପ୍ରମୁଖ ଭୂମିକା ଗ୍ରହଣ କରିଥିଲେ। ଋତୁରାଜ ଗାଏକ୍ୱାଡଙ୍କ ଭଳି ଉତ୍କର୍ଷା ମଧ୍ୟ ଜଣେ କ୍ରିକେଟର। ଉତ୍କର୍ଷା ମହାରାଷ୍ଟ୍ର ଅଣ୍ଡର ୧୯ ଟିମ ପାଇଁ ୨୦୧୨-୧୩ ଓ ୨୦୧୭-୧୮ରେ ଖେଳିଥିଲେ। ମହାରାଷ୍ଟ୍ରର ସିନିୟର ମହିଳା ଟିମ୍ରେ ବି ସେ ନଜର ଆସିଥିଲେ। ବର୍ତ୍ତମାନ ସେ ପୁଣେରେ ଥିବା ଆଇଏନଏଫଏସ୍ରେ ପାଠ ପଢ଼ୁଛନ୍ତି। କ୍ରିକେଟ ଖେଳିବା ସମୟରେ ଋତୁରାଜ ଗାଏକ୍ୱାଡଙ୍କ ସହ ଉତ୍କର୍ଷାଙ୍କର ପ୍ରେମ ସମ୍ପର୍କ ଗଢ଼ି ଉଠିଥିଲା। ଏବେ ଉଭୟ ବିବାହ ବନ୍ଧନରେ ବାନ୍ଧି ହୋଇଛନ୍ତି।
Powered by Froala Editor
