ଫିଲ୍ମଫେୟାର ଆୱାର୍ଡରେ ତିଆରି ହୋଇଛି ମୋ ବାଥରୁମ୍ ହ୍ୟାଣ୍ଡେଲ
ଏକ ସାକ୍ଷାତକାରରେ ବଲିଉଡର ବରିଷ୍ଠ କଳାକାର ନସିରୁଦ୍ଦିନ ଶାହ ଏକ ବିସ୍ଫୋରକ ବୟାନ ଦେଇଛନ୍ତି । ନସିରୁଦ୍ଦିନ ଶାହଙ୍କୁ ପୁରସ୍କାର ବିଷୟରେ ପଚରା ଯାଇଥିଲା କି ପୁରସ୍କାରକୁ ଘରର ଡୋରର ହ୍ୟାଣ୍ଡେଲ ଭାବେ ବ୍ୟବହାର କରିଛନ୍ତି ? ଏହା ଉପରେ ଉତ୍ତର ଦେଇ ନସିରୁଦ୍ଦିନ ଶାହ କହିଥିଲେ - ମୁଁ ଏହି ପୁରସ୍କାରକୁ ନେଇ ଗର୍ବିତ ନୁହେଁ। ମୋତେ ମିଳିଥିବା ଗତ ଦୁଇ ପୁରସ୍କାରକୁ ନେବାକୁ ବି ମୁଁ ଯାଇ ନଥିଲି । ଏଥିପାଇଁ ଯେବେ ମୁଁ ଏକ ଫାର୍ମହାଉସ୍ ତିଆରି କଲି ତ ମୁଁ ଏହି ପୁରସ୍କାରକୁ ସେଠାରେ ରଖିବାକୁ ନିଷ୍ପତ୍ତି ନେଲି। ଯିଏ ବି ବାଥରୁମ୍ ଯିବ ତାଙ୍କୁ ୨-୨ ଆୱାର୍ଡ ମିଳିବ , କାହିଁକି ନା ହ୍ୟାଣ୍ଡେଲ ଫିଲ୍ମଫେୟାର ଆୱାର୍ଡରେ ତିଆରି ହୋଇଛି।
ନସିରୁଦ୍ଦିନ ପୁଣି କହିଛନ୍ତି ମୁଁ ଏହି ଟ୍ରଫି ଗୁଡ଼ିକରେ କୌଣସି ମୂଲ୍ୟ ଦେଖି ପାରୁନି। ହେଲେ ଯେବେ ମୋତେ ପ୍ରାରମ୍ଭରେ ମିଳୁଥିଲା ତ ମୁଁ ଖୁସି ହେଉଥିଲି। କିନ୍ତୁ ପରେ ମୋ ଚାରିପଟେ ଖାଲି ଟ୍ରଫି ଜମା ହେବାକୁ ଲାଗିଲା। ଏହାପରେ ମୁଁ ବୁଝିଗଲି ଏହି ପୁରସ୍କାର ଲବିଙ୍ଗର ପରିଣାମ । ଲଲ୍ଲନଟପ୍ ସହ କଥାବାର୍ତ୍ତାରେ ନସିରୁଦ୍ଦିନ ଶାହ ଏହି ବିଷୟରେ ଖୋଲିକରି କହିଛନ୍ତି , ଯାହାକୁ ଶୁଣି ସମସ୍ତେ ଆଶ୍ଚର୍ଯ୍ୟ ହୋଇଛନ୍ତି ।
Powered by Froala Editor
