ସାରାଙ୍କ ପରେ ବଲିଉଡରେ ଡେବ୍ୟୁ କରିବେ ଇବ୍ରାହିମ୍
ସାରା ଅଲ୍ଲୀ ଖାନଙ୍କ ପରେ ଭାଇ ଇବ୍ରାହିମ୍ ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି । ଇବ୍ରାହିମ୍ ‘ସରଜମିନ୍’ ଫିଲ୍ମ ମାଧ୍ୟମରେ ବଲିଉଡ୍ରେ ଡେବ୍ୟୁ କରିବାକୁ ଯାଉଛନ୍ତି। ଏଥିରେ ଇବ୍ରାହିମ୍ଙ୍କ ସହ ନାୟିକା ଭାବେ କେହି ଦେଖାଯିବେ ନାହିଁ। ଇବ୍ରାହିମ୍ ହିଁ ଲିଡ୍ ରୋଲରେ ନଜର ଆସିବେ। ଇବାହିମ୍ଙ୍କ ସହ ବଲିଉଡ୍ ଅଭିନେତ୍ରୀ କାଜଲ ଏଥିରେ ନଜର ଆସିବେ। ତେବେ ଫିଲ୍ମର ନାମ ଓ ଏଥିରେ ଅଭିନୟ କରୁଥିବା କଳାକାରଙ୍କୁ ନେଇ ବିଧିବଦ୍ଧ ଭାବେ କିଛି କୁହାଯାଇ ନାହିଁ।
ନିକଟରେ ଏକ ସାକ୍ଷତକାରରେ ସାରା କହିଛନ୍ତି ଯେ, ‘ଇବ୍ରାହିମ୍ ବହୁତ ଜଲ୍ଦି ବଲିଉଡ୍ରେ ଡେବ୍ୟୁ କରିବାକୁ ଯାଉଛି। ସେ ଇତିମଧ୍ୟରେ ଫିଲ୍ମର ସୁଟିଂ ସାରିଛି। ଆମେ ଦୁଇଜଣ ବେଶ୍ ଭାବପ୍ରବଣ। ଯେତେେବଳେ ସେ ସୁଟିଂ ସେଟ୍ରୁ ସେ ଫେରେ ମୁଁ ତା ପ୍ରତି ଅଧିକ ଧ୍ୟାନ ଦିଏ। ମୋ ମା’ ଯେଭଳି ତା’ର ଯତ୍ନ ନିଅନ୍ତି, ମୁଁ ସେଭଳି ତା’ର ଯତ୍ନ ନିଏ।
ପ୍ରକାଶ ଥାଉକି, ସାରା ବଲିଉଡ୍ରେ ଅଳ୍ପଦିନର କ୍ୟାରିୟରରେ ଆଗଧାଡ଼ିର ନାୟିକା ଭାବେ ସାମିଲ ହୋଇପାରିଛନ୍ତି। ଇତିମଧ୍ୟରେ ସାରାଙ୍କ ଭାଇ ଇବ୍ରାହିମ୍ଙ୍କ ବଲିଉଡ୍ ଡେବ୍ୟୁ ଉପରେ ଏବେ ସମସ୍ତଙ୍କର ନଜର ରହିଛି।
Powered by Froala Editor
