ବିଦେଶ ରପ୍ତାନୀ ପୂର୍ବରୁ ଯାଞ୍ଚ ହେବ କଫ୍ ସିରପ
![ବିଦେଶ ରପ୍ତାନୀ ପୂର୍ବରୁ ଯାଞ୍ଚ ହେବ କଫ୍ ସିରପ](https://odishanewslens.com/news_gallery/21747_1684860744.jpg)
ଭାରତୀୟ ଫାର୍ମାସ୍ୟୁଟିକାଲ ସଂସ୍ଥା ଦ୍ୱାରା ରପ୍ତାନି ହୋଇଥିବା କଫ ସିରପକୁ ନେଇ ସରକାର ଏକ ପ୍ରମୁଖ ନିଷ୍ପତ୍ତି ନେଇଛନ୍ତି। ବିଦେଶକୁ ରପ୍ତାନୀ ହେଉଥିବା କଫ ସିରପ୍ ବ୍ୟବସାୟ ଠପ୍ ହୋଇ ପଡ଼ିଥିବା ବେଳେ ଏହାକୁ ଟ୍ରାକ୍କୁ ଫେରାଇବାକୁ କଡ଼ାକଡ଼ି ନିୟମ ଆଣିଛନ୍ତି କେନ୍ଦ୍ର ସରକାର। ଔଷଧ ବିଦେଶ ପଠାଯିବା ପୂର୍ବରୁ ଗୁଣବତ୍ତା ପରୀକ୍ଷା କରିବାକୁ ସରକାର ନିର୍ଦ୍ଦେଶ ଦେଇଛନ୍ତି। ତେଣୁ, କଫ ସିରପ ରପ୍ତାନିକାରୀମାନଙ୍କୁ ସେମାନଙ୍କ ଉତ୍ପାଦକୁ ବିଦେଶ ପଠାଇବା ପୂର୍ବରୁ ନିର୍ଦ୍ଦିଷ୍ଟ ସରକାରୀ ଲାବୋରେଟୋରୀରେ ପରୀକ୍ଷା କରିବାକୁ ପଡିବ । ଏଥିରେ ପାସ୍ କଲେ ହିଁ ତାହା ରପ୍ତାନୀ ଯୋଗ୍ୟ ବୋଲି ବିବେଚନା କରାଯିବ ।
ଆସନ୍ତା ୧ ତାରିଖରୁ ଏହି ନୂଆ ନିୟମ ଲାଗୁ ହେବ । ବୈଦେଶିକ ବାଣିଜ୍ୟ ନିର୍ଦ୍ଦେଶାଳୟ (ଡିଜିଏଫଟି) ଏନେଇ ଏକ ବିଜ୍ଞପ୍ତି ଜାରି କରିଛି। ଏଥିରେ ଦର୍ଶାଯାଇଛି ଉତ୍ପାଦର ନମୁନାକୁ ପ୍ରଥମେ ଲାବୋରେଟୋରୀରେ ପରୀକ୍ଷା କରିବାକୁ ପଡିବ। କେବଳ ଏହି ଅନୁମତି ପରେ କଫ ସିରପ ରପ୍ତାନି କରିବାକୁ ଦିଆଯିବ।
ଗତବର୍ଷ ଗାମ୍ବିଆ ଓ ଉଜବେକିସ୍ତାନରେ ଭାରତର କଫ ସିରପ ପିଇ ସମୁଦାୟ ୮୪ ଜଣ ଶିଶୁଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଥିଲା। ଏହାପରେ ଭାରତରୁ କଫ ସିରପ ଆମଦାନୀ କରିବାକୁ ବହୁ ଦେଶ ପଛ ଘୁଞ୍ଚା ଦେଉଛନ୍ତି। ଏହି ମଳିନ ଛବିକୁ ସୁଧାରିବାକୁ କେନ୍ଦ୍ର ସରକାର ଏହି ନିୟମ ପ୍ରଣୟନ କରିଛନ୍ତି।
Powered by Froala Editor