୧୦୦ କୋଟି କ୍ଲବରେ ‘ଦ କେରଳ ଷ୍ଟୋରୀ’
ମୁମ୍ଵାଇ: ବିବାଦୀୟ ଫିଲ୍ମ ‘ଦି କେରଲା ଷ୍ଟୋରି’। ରିଲିଜ ହେବାର ୯ ଦିନ ମଧ୍ୟରେ ବକ୍ସ ଅଫିସରେ ୧୧୨.୯୯ କୋଟି ଟଙ୍କା ଆୟ କରିସାରିଲାଣି। ନିର୍ମାତାମାନେ ଦାବି କରିଛନ୍ତି ଯେ ଏହି ସୁନ୍ଦର ଚଳଚ୍ଚିତ୍ରଟି ଏକ ବାସ୍ତବ ଜୀବନ କାହାଣୀ ଉପରେ ଆଧାରିତ ଏବଂ ତେଣୁ ଏହି ଫିଲ୍ମକୁ ନେଇ ଅନେକ ବିବାଦ ଦେଖାଦେଇଛି । ପ୍ରଯୋଜନା ସଂସ୍ଥା ସନ୍ଶାଇନ୍ ପିକ୍ଚର୍ସ ପକ୍ଷରୁ ରବିବାର ଏନେଇ ସୂଚନା ଦିଆଯାଇଛି।
ଶନିବାର ଏହି ଫିଲ୍ମ ୧୯.୫ କୋଟି ଟଙ୍କା ଆୟ କରିଥିଲା। ଏହି ଦିନର ସଂଗ୍ରହକୁ ଅନ୍ତର୍ଭୁକ୍ତ କରି ଫିଲ୍ମର ମୋଟ ସଂଗ୍ରହ ବର୍ତ୍ତମାନ ୧୧୨.୯୯ କୋଟି ଟଙ୍କା କରିଛି। ଏହି ଆକଳନ ସହିତ ଏହି ଚଳଚ୍ଚିତ୍ର ଦେଶର ଚଳିତ ବର୍ଷର ଚତୁର୍ଥ ଚଳଚ୍ଚିତ୍ର, ଯାହା ୧୦୦ କୋଟି କ୍ଲବରେ ଯୋଗ ଦେଇଛି । ଏହି ତାଲିକାରେ ‘ପଠାନ’, ‘ତୁ ଝୁଠି ମେଁ ମକ୍କାର’ ଏବଂ ‘କିସି କା ଭାଇ କିସି କି ଜାନ’ ମଧ୍ୟ ରହିଛି। ଫିଲ୍ମ ‘ଦି କେରଲା ଷ୍ଟୋରି’ ଭାରତରେ ମେ’ ୫ରେ ମୁକ୍ତିଲାଭ କରିଥିବାବେଳେ ଗତ ୧୨ ତାରିଖରେ ୩୭ ଦେଶରେ ରିଲିଜ ହୋଇଥିଲା।
Powered by Froala Editor
