ନୃଶଂସ ସ୍ୱାମୀ: ସ୍ତ୍ରୀକୁ ଜାଳି ଦେଲା ଜୀଅନ୍ତା
ଢେଙ୍କାନାଳ :ରାଗର ବଶବର୍ତ୍ତୀ ହୋଇ ସ୍ତ୍ରୀକୁ କିରୋସିନ ଢାଳି ଜୀଅନ୍ତା ଜାଳି ଦେଲା ନୃଶଂସ ସ୍ୱାମୀ। ଏପରି ଘଟଣା ଘଟିଛି ଢେଙ୍କାନାଳ ଜିଲ୍ଲା କଙ୍କଡାହାଡ଼ ଥାନା ଗୋପପୁର ଗାଁରେ। ମୃତ ମହିଳା ଜଣଙ୍କ ହେଲେ ରଙ୍ଗବତୀ ଦାସ। ଅଭିଯୁକ୍ତ ସ୍ୱାମୀ ନିରଞ୍ଜନ ଦାସଙ୍କୁ ପୁଲିସ ଅଟକ ରଖି ପଚରାଉଚରା କରୁଛି।ଗତକାଲି କୌଣସି କଥା ନେଇ ରଙ୍ଗବତୀ ଓ ନିରଞ୍ଜନଙ୍କ ମଧ୍ୟରେ ବଚସା ହୋଇଥିଲା। ଏଥିରେ ନିରଞ୍ଜନ ଉତ୍କ୍ଷିପ୍ତ ହୋଇ ରଙ୍ଗବତୀଙ୍କୁ ମାଡ଼ ମାରିଥିଲେ। ପରେ ତାଙ୍କ ଦେହରେ କିରାସିନି ଢ଼ାଳି ନିଆଁ ଲଗାଇ ଦେଇଥିଲେ। ରଙ୍ଗବତୀଙ୍କ ଚିତ୍କାର ଶୁଣି ପାଖ ପଡ଼ୋଶୀ ଦୌଡ଼ି ଆସିଥିଲେ। ନିଆଁ ଲିଭାଇ ରଙ୍ଗବତୀଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରିଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।କଙ୍କଡାହାଡ଼ ପୁଲିସ ଘଟଣାର ତଦନ୍ତ କରୁଛି।
Powered by Froala Editor
