ରେଷ୍ଟୁରାଣ୍ଟରେ ଡିନର କରିବାକୁ ପହଞ୍ଚିଲେ ରାଘବ-ପରିଣୀତି
କିଛି ଦିନ ହେଲା ଚର୍ଚ୍ଚାରେ ଅଛନ୍ତି ବଲିଉଡ ଅଭିନେତ୍ରୀ ପରିଣୀତି ଚୋପ୍ରା ଓ ଆମ୍ ଆଦମୀ ପାର୍ଟି ସାଂସଦ ରାଘବ ଚଢ଼ା। ସେମାନେ ଆଗାମୀ ୧୩ ତାରିଖରେ ନିର୍ବନ୍ଧ କରିବାକୁ ଯାଉଛନ୍ତି ବୋଲି ମଧ୍ୟ ସୂଚନା ରହିଛି। ସେମାନଙ୍କ ବିବାହ ଚଳିତବର୍ଷ ଅକ୍ଟୋବରରେ ହେବ ବୋଲି ଅନୁମାନ କରାଯାଉଛି। ତେବେ ଏଯାଏ ବି ପରିଣୀତି ଓ ରାଘବ ସେମାନଙ୍କ ପ୍ରେମ ସଂପର୍କ କିମ୍ବା ନିର୍ବନ୍ଧ ବିଷୟରେ କହିନାହାନ୍ତି।
ତେବେ ଗତକାଲି ତାଙ୍କୁ ମୁମ୍ବାଇର ଏକ ରେଷ୍ଟୁରାଣ୍ଟ୍କୁ ଡିନର୍ ଡେଟ୍ରେ ଯାଉଥିବାର ଦେଖିବାକୁ ମିଳିଛି। ପରିଣୀତି କଳା ରଂଗର ପୋଷାକ ପିନ୍ଧିଥିବା ବେଳେ ରାଘବ ନୀଳ ରଂଗର ସାର୍ଟ ପରିଧାନ କରିଛନ୍ତି। ସେମାନଙ୍କୁ ଏକତ୍ର ଦେଖିବା ପରେ ବାହାଘର କେବେ ବୋଲି କିଛି ଗଣମାଧ୍ୟମ ପ୍ରତିନିଧି ପ୍ରଶ୍ନ କରିଛନ୍ତି।
ନିକଟରେ ଦୁହିଁଙ୍କୁ ମୋହାଲିରେ ଆଇପିଏଲ୍ ମ୍ୟାଚ୍ ରେ ଦେଖିବାକୁ ମିଳିଥିଲା। ପରିଣୀତି ଚୋପ୍ରା ଏବଂ ରାଘବଙ୍କ ଫଟୋ ସୋସିଆଲ ମିଡିଆ ପ୍ଲାଟଫର୍ମ ଟ୍ୱିଟରରେ ଭାଇରାଲ୍ ହୋଇଥିଲା।
Powered by Froala Editor
