ପୁରୀ-ହାୱଡ଼ା ବନ୍ଦେ ଭାରତ ଏକ୍ସପ୍ରେସ୍ ଟ୍ରାଏଲ ରନ୍ ଆରମ୍ଭ
ଭୁବନେଶ୍ୱର: ଆଜି ପୁରୀ-ହାୱଡ଼ା ବନ୍ଦେ ଭାରତ ଏକ୍ସପ୍ରେସ୍ ଟ୍ରାଏଲ ରନ୍ ଆରମ୍ଭ ହୋଇଛି । ସକାଳ ୬ଟା ୧୦ରେ ହାୱଡ଼ାରୁ ଯାତ୍ରା ଆରମ୍ଭ କରିଛି ବନ୍ଦେ ଭାରତ ଏକ୍ସପ୍ରେସ୍ । ହାୱଡ଼ା ପରେ ଖଡ଼ଗପୁର, ଭଦ୍ରକ, ଯାଜପୁର, କଟକ, ଭୁବନେଶ୍ୱର ଓ ଖୋର୍ଦ୍ଧା ଷ୍ଟେସନରେ ୨ ମିନିଟ ଲେଖାଏଁ ରହିବ । ପୁରୀରେ ମଧ୍ୟାହ୍ନ ୧୨ଟା ୩୫ରେ ପହଞ୍ଚିବ । ହାୱଡ଼ାରୁ ପୁରୀ ମାତ୍ର ୬ ଘଣ୍ଟା ୨୫ ମିନିଟ ଲାଗିବ । ତେବେ ପୂର୍ବରୁ ଚାଲିଥିବା ପୁରୀ-ହାୱଡ଼ା ଏକ୍ସପ୍ରେସକୁ ୮ ଘଣ୍ଟା ୨୦ରୁ ୩୦ ମିନିଟ୍ ଲାଗିଥାଏ । ତେଣୁ ସାଧାରଣ ଟ୍ରେନ୍ ଅପେକ୍ଷା ବନ୍ଦେ ଭାରତ ଏକ୍ସପ୍ରେସ୍ରେ ୨ ଘଣ୍ଟା କମ ସମୟ ଲାଗିବ ।
ସେହିପରି ଫେରିବା ବେଳେ ଅପରାହ୍ନ ୧ ଟା ୫୦ରେ ପୁରୀରୁ ହାୱଡା ଅଭିମୁଖେ ଯାତ୍ରା କରିବ । ଯାହା ରାତି ୮ଟା ୩୦ରେ ହାଓଡ଼ାରେ ପହଞ୍ଚିବ ବୋଲି ସୂଚନା ମିଳିଛି । ଅପରପକ୍ଷେ ମେ’ରୁ ଓଡ଼ିଶାରେ ବନ୍ଦେ ଭାରତ ଏକ୍ସପ୍ରେସ୍ ଚାଲିବା ନେଇ ବିଶ୍ୱସ୍ତ ସୂତ୍ରରୁ ସୂଚନା ମିଳିଛି । ସେଥିପାଇଁ ପ୍ରାରମ୍ଭିକ ପ୍ରକ୍ରିୟା ଆରମ୍ଭ ହୋଇଛି ।
Powered by Froala Editor
