ନ୍ୟାରାଗୋଙ୍ଗୋ ଆଗ୍ନେୟଗିରି ଉଦଗୀରଣ, ୩୨ ମୃତ
ଡେମୋକ୍ରାଟିକ୍ ରିପବ୍ଲିକ୍ ଅଫ୍ କଙ୍ଗୋ (ଡିଆରସି)ର ଗୋମା ସହର ଉପକଣ୍ଠରେ ନ୍ୟାରାଗୋଙ୍ଗୋ ଆଗ୍ନେୟଗିରି ଉଦଗୀରଣ ଘଟିଛି । ଏଥିରେ ମୃତ୍ୟୁ ସଂଖ୍ୟା ୩୨କୁ ବୃଦ୍ଧି ପାଇଛି । ସୋମବାର ଦିନ ଉତ୍ତର କିଭୁ ପ୍ରଦେଶର ନାଗରିକ ସୁରକ୍ଷାର ମୁଖ୍ୟ ଜୋସେଫ୍ ମଙ୍କୁଡିଙ୍କ ଉଦ୍ଦେଶ୍ୟରେ କହିଛନ୍ତି ଯେ, ୯ ଜଣଙ୍କର ମୃତ୍ୟୁ ସେତେବେଳେ ଘଟିଥିଲା ଯେତେବେଳେ ଲାଭା ସେମାନଙ୍କ ଘରକୁ ଧକ୍କା ଦେଇଥିଲା ଏବଂ ଅନ୍ୟ ୫ ଜଣଙ୍କର ମୃତ୍ୟୁ ଧୂଆଁ ଏବଂ ବିଷାକ୍ତ ଗ୍ୟାସ ଯୋଗୁଁ ହୋଇଥିଲା । ଟ୍ରକ୍ ଓଲଟି ପଡି ଦୁର୍ଘଟଣା ହେବା ଯୋଗୁଁ ଅନ୍ୟ ୧୪ ଜଣଙ୍କର ମୃତ୍ୟୁ ହୋଇଥିବାବେଳେ ଅନ୍ୟ ୪ଜଣ ଉତ୍ତର କିବୁର ରାଜଧାନୀ ଗୋମା ସ୍ଥିତ ମୁଞ୍ଜେଞ୍ଜ ସେଣ୍ଟ୍ରାଲ ଜେଲ ଭାଙ୍ଗିବାକୁ ଚେଷ୍ଟା କରୁଥିଲେ ।
ଗୋମା ଦୁଇଟି ସକ୍ରିୟ ଆଗ୍ନେୟଗିରିର ଘର ହେଉଛି ନ୍ୟାମୁଲାଗିରା ଏବଂ ନାରାଗୋଙ୍ଗୋ । ଏଠାରେ ଆଗ୍ନେୟ ଉଦ୍ଗୀରଣ ହେବାରୁ ଲୋକମାନେ ମୃତ୍ୟୁ ମୁଖରେ ପଡୁଛନ୍ତି । ୨୨ ମେ’ରେ ଆଗ୍ନେୟଗିରି ଉଦଗୀରଣ ପରେ ପ୍ରାୟ ୩୦୦୦ ଲୋକ ଗୋମା ଛାଡି ପଡୋଶୀ ରଓ୍ବାଣ୍ଡାକୁ ପଳାଇଥିବାବେଳେ ଅନ୍ୟମାନେ ସହରର ଆଖପାଖ ଗାଁ ଆଡକୁ ଯାଇଥିଲେ । ଆଗ୍ନେୟଗିରି ଉଦଗୀରଣ ହେବାର ଠିକ୍ ପରେ ପରେ ସହରର ଅଧିକାଂଶ ସ୍ଥାନରେ ବିଦ୍ୟୁତ ଯୋଗାଣ ବନ୍ଦ ହୋଇଯାଇଥିଲା । ଯଦିଓ ଲାଭାର ପ୍ରବାହ ଗୋମାଠାରୁ ହ୍ରାସ ପାଇଛି, ତଥାପି ଭୂକମ୍ପନରେ ଏବେବି ଧ୍ୟାନ ଦେବା ଆବଶ୍ୟକ ବୋଲି ଏକ ପ୍ରତିନିଧି ଦଳ କହିଛନ୍ତି ।
Powered by Froala Editor