ନ୍ୟୁଜିଲାଣ୍ଡରେ ଭୀଷଣ ଭୂମିକମ୍ପ, ତୀବ୍ରତା ୭.୩ ରେକର୍ଡ
![ନ୍ୟୁଜିଲାଣ୍ଡରେ ଭୀଷଣ ଭୂମିକମ୍ପ, ତୀବ୍ରତା ୭.୩ ରେକର୍ଡ](https://odishanewslens.com/news_gallery/21080_1682318014.jpg)
ନୂଆଦିଲ୍ଲୀ: ନ୍ୟୁଜିଲାଣ୍ଡରେ ଭୀଷଣ ଭୂମିକମ୍ପ ହୋଇଛି । ରିକ୍ଟର ସ୍କେଲରେ ଏହାର ତୀବ୍ରତା ୭.୩ ରେକର୍ଡ କରାଯାଇଛି । ଏହା ଭାରତୀୟ ସମୟ ଅନୁସାରେ ଆଜି ସକାଳ ୬ଟା ୧୧ ମିନିଟରେ ହୋଇଥିବା ଜଣାପଡିଛି ।
ଭୂମିକମ୍ପ ନ୍ୟୁଜିଲାଣ୍ଡର ଉତ୍ତର ଦ୍ୱୀପଠାରୁ ୯୦୦ କିଲୋମିଟର ଉତ୍ତର-ପୂର୍ବ କେମିଡୀକ୍ ଦ୍ୱୀପର ୧୦ କିଲୋମିଟର ଗଭୀରତାରେ କେନ୍ଦ୍ରୀଭୂତ ହୋଇଛି । ଏଥିରେ ଧନ ଜୀବନ ହାନୀର ଆକଳନ କରାଯାଉଥିଲେ ବି ଏନେଇ ଏଯାଏଁ କୌଣସି ସୂଚନା ମିଳିନାହିଁ । ମାର୍ଚ୍ଚ ମାସରେ ନ୍ୟୁଜଲାଣ୍ଡରେ ପ୍ରଥମ ଭୂମିକମ୍ପ ହୋଇଥିଲା । ଏହାପରେ ଗତକାଲି ମଧ୍ୟ ଏଠାରେ ୩.୬ ତୀବ୍ରତାପୂର୍ଣ୍ଣ ମୃଦୁ ଭୂମିକମ୍ପ ଅନୁଭୂତ ହୋଇଥିଲା ।
Powered by Froala Editor