ଓଡ଼ିଆ ଫିଲ୍ମ ଦମନ ରିଲିଜ ହେବା ପରେ ରେକର୍ଡ ସୃଷ୍ଟି କରିଥିଲା । ଭିନ୍ନ ଭିନ୍ନ ଭାଷାରେ ମଧ୍ୟ ଏହି ଫିଲ୍ମ ରିଲିଜ ହୋଇଛି । ତେବେ ଦମନକୁ ପଛରେ ପକାଇ ଆଉ ଏକ ଫିଲ୍ମ ବାଜି ମାରିନେଲାଣି । ଫିଲ୍ମଟି ହେଉଛି ‘ଡେଲିଭରି ବୟ’ । ଓଡିଶାର ସମସ୍ତ ସିନେମା ହଲରେ ଫିଲ୍ମ ଏବେ ହାଉସଫୁଲ ରହିଛି । ହଲରେ ମଧ୍ୟ ନିଜେ ଫିଲ୍ମର ଅଭିନେତା ଶୈଳେନ୍ଦ୍ର ସାମନ୍ତରାୟ ଓ ନିର୍ଦ୍ଦେଶକ ପହଞ୍ଜି ଦର୍ଶକଙ୍କ ପ୍ରତିକ୍ରିୟା ଶୁଣିଛନ୍ତି । ଫିଲ୍ମ ଦେଖିସାରିବା ପରେ ଦର୍ଶକ ବେଶ୍ ଖୁସିଥିବା ପ୍ରକାଶ କରିଛନ୍ତି ।

ଅଭିନେତା ଶୈଳେନ୍ଦ୍ର ସାମନ୍ତରାୟ ଏଥିରେ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ଫିଲ୍ମରେ ବୁଦ୍ଧାଦିତ୍ୟ ମହାନ୍ତି, ପ୍ରିୟମ୍ବଦା ସ୍ୱାଇଁ ପ୍ରମୁଖ ଭୂମିକାରେ ଅଭିନୟ କରିଛନ୍ତି । ଏହି ଫିଲ୍ମ ଗତ ଏପ୍ରିଲ ୭ ତାରିଖରେ ପରଦାକୁ ଆସିଥିଲା । ଡେଲିଭରି ବୟକୁ ରାଜ୍ୟ ସରକାର ଟିକସ୍ ମୁକ୍ତ ମଧ୍ୟ କରିଥିଲେ ।

ଜଣେ ଡେଲିଭରି ବୟ କେମିତି ପ୍ରତିଦିନ ସଂଘର୍ଷ କରୁଛି । ଘାତ ପ୍ରତିଘାତ ଦେଇ ଗତି କରୁଛି ତାହା ଫିଲ୍ମର ବିଷୟ ବସ୍ତୁ । ଦୁର୍ଗା ପ୍ରସାଦ ନାୟକ ନାମକ ଜଣେ ଡେଲିଭରି ବୟଙ୍କ ଉପରେ ଏହାର କାହାଣୀ ପ୍ରସ୍ତୁତ ହୋଇଛି । ପ୍ରଥମ ଦିନରୁ ଫିଲ୍ମ ଦେଖିବାକୁ ହଲରେ ଭିଡ ଲାଗିଛି ।

ଅନ୍ୟପଟେ ଫିଲ୍ମଟି ଏବେ ବାବୁସାନଙ୍କ ଅଭିନୀତ ଚଳଚିତ୍ର ଦମନକୁ ପଛରେ ପକାଇଛି । ଆଇଏମଡି ରେଟିଙ୍ଗ ଅନୁସାରେ ଫିଲ୍ମକୁ ୯.୫ ରେଟିଙ୍ଗ ମିଳିଛି । 

Powered by Froala Editor