ସିନେମା ହଲ୍ରେ ରାବଣାସୁର କ୍ରେଜ୍
ସାଉଥ୍ ସିନେମାର ପୁଷ୍ପା, କାନ୍ତାରା ଧମାଲ କରିଥିବାବେଳେ ଏବେ ରବି ତେଜାଙ୍କ ଅଭିନୀତ ଫିଲ୍ମ ରାବଣାସୁର ଧୁମ୍ ମଚାଇଛି । ପ୍ରଥମ ଦିନରେ ହିଁ ଏହି ସିନେମା ୯ କୋଟିର ବ୍ୟବସାୟ କରିଲାଣି । ଫିଲ୍ମରେ କ୍ରାଇମ ସହ ଥ୍ରିଲର ରହିଛି । ତେଣୁ ରିଲିଜ ହେବା ମାତ୍ରେ ହିଁ ମର୍ଣ୍ଣିଂ ଓ ମ୍ୟାଟିନି ସୋରେ ଭଲ ବ୍ୟବସାୟ କରିଛି ।
କିଛି ଦିନ ହେବ ରବି ତେଜାଙ୍କ ଫିଲ୍ମ ସେତେଟା କ୍ରେଜ କରିପାରୁନଥିଲା । ଆର୍ଆରଆର, ପୁଷ୍ପା, କାନ୍ତାରା ଭଳି ମୁଭି ଲୋକଙ୍କ ମନ କିଣିଥିଲା । କିନ୍ତୁ ଏହି ଫିଲ୍ମରେ ଜରିଆରେ ସେ ପୁଣି ଫେମ୍କୁ ଫେରିଛନ୍ତି । ରବି ମୁଖ୍ୟ ଭୂମିକାରେ ଅଭିନୟ କରିଛନ୍ତି । ଏଥିରେ ଥ୍ରିଲର ସାଙ୍ଗକୁ କ୍ରାଇମ ସିନ୍ ରହିଥିବା ବେଳେ ପ୍ରଥମ ଦିନରୁ ହିଁ ଏହି ସିନେମା ତାର କ୍ରେଜ୍ ଦେଖାଇଛି । ସିନେମାରେ ଆକସନ ସାଙ୍ଗକୁ ଡାଇଲଗକୁ ଦର୍ଶକଙ୍କ ଜବରଦସ୍ତ ସମର୍ଥନ ରହିଛି ।
ସୂଚନା ଅନୁଯାୟୀ, ସିନେମାକୁ ନିର୍ଦ୍ଦେଶନା ଦେଇଛନ୍ତି ସୁଧିର ବର୍ମା । ଅଭିଶେକ ପିକଚର ଓ ରବି ତେଜା ଆର୍ରଟି ବ୍ୟାନରରେ ରାବଣାସୁର ର୍ନିମିତ ହୋଇଛି । ସିନେମାରେ ରବି ତେଜାଙ୍କ ସହ ଅନୁ ଇମାନୁଏଲ, ମେଘା ଆକାଶ, ଫରିଦା ଅବଦୁଲ୍ଲା, ଦାକଶ ନାଗରକର ଓ ପୂଜିଥା ପୋନଡା ନଜର ଆସିଛନ୍ତି । ପୂଜିଥା ଫିମେଲ ଲିଡ୍ ରୋଲରେ ଅଛନ୍ତି । ସିନେମା ପାଇଁ ହର୍ଷବର୍ଦ୍ଧନ ରାମେଶ୍ର ମ୍ୟୁଜିକ କମ୍ପୋଜ କରିଛନ୍ତି ।
Powered by Froala Editor
