ନୂଆଦିଲ୍ଲୀ: କଂଗ୍ରେସ ନେତା ରାହୁଲ ଗାନ୍ଧୀଙ୍କ ସଂସଦ ସଦସ୍ୟତା ରଦ୍ଦ ହେବାକୁ ନେଇ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ବର୍ଷିଛନ୍ତି। ସେ କହିଛନ୍ତି, ଏହି ଲଢ଼େଇ ରାହୁଲ ଗାନ୍ଧୀ ଓ କଂଗ୍ରେସର ନୁହେଁ। ଏ ଲଢ଼େଇ ଦେଶର ଏକ ତାନାଶାହୀଙ୍କ ଠାରୁ ବର୍ତ୍ତିବା ପାଇଁ। ମୁଖ୍ୟନ୍ତ୍ରୀ କେଜ୍ରିୱାଲ ଆହୁରି କହିଛନ୍ତି, ସେମାନେ ରାହୁଲ ଗାନ୍ଧୀଙ୍କ ସଦସ୍ୟତା ରଦ୍ଦ କରିଦେଇଛନ୍ତି। ପ୍ରଧାନମନ୍ତ୍ରୀ ମୋଦୀ ଭାରତ ଇତିହାସରେ ସବୁଠାରୁ ଦୁର୍ନୀତିଗ୍ରସ୍ତ ପ୍ରଧାନମନ୍ତ୍ରୀଙ୍କ ଭିତରୁ ଜଣେ। ସେ ସବୁଠାରୁ କମ୍ ଶିକ୍ଷାଗତ ଯୋଗ୍ୟତା ଥିବା ପ୍ରଧାନମନ୍ତ୍ରୀ। ତାଙ୍କର ଅହଙ୍କାର ଆକାଶ ଛୁଇଁଛି। ମୁଁ ବିଜେପି ଲୋକଙ୍କକୁ ଅନୁରୋଧ କରୁଛି ଯେଉଁମାନେ ଦେଶକୁ ରକ୍ଷା କରିବାକୁ ଚାହୁଁଛନ୍ତି, ସେମାନେ ବିଜେପି ଛାଡ଼ନ୍ତୁ। ଏବଂ ଯେଉଁମାନେ ଦେଶକୁ ବର୍ବାଦ କରିବାକୁ ଚାହୁଁଛନ୍ତି ସେମାନେ ବିଜେପି ସହ ରୁହନ୍ତୁ। ବର୍ତ୍ତମାନ ନରେନ୍ଦ୍ର ମୋଦୀଙ୍କ ନେତୃତ୍ୱରେ ପୂରା ଦେଶରେ ଘୃଣା ବିସ୍ତାର କରାଯାଉଛି।   

ମୁଖ୍ୟମନ୍ତ୍ରୀ କେଜ୍ରିୱାଲ ଆହୁରି କହିଛନ୍ତି, ଆମ ପୂର୍ବପୁରୁଷମାନେ ସ୍ୱାଧୀନତା ଲଢ଼େଇ ଲଢ଼ିଛନ୍ତି ଓ ଭାରତକୁ ସ୍ୱାଧୀନ କରିବା ପାଇଁ ବଳିଦାନ ଦେଇଛନ୍ତି। ହେଲେ ବର୍ତ୍ତମାନ ଯେଉଁ ସରକାର ରହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଏହି ସରକାର ଇଂରେଜ ଠାରୁ ମଧ୍ୟ ଏକଛତ୍ରବାଦୀ। ଯଦି ଭାରତକୁ ବଞ୍ଚାଇବାକୁ ଚାହୁଁଛନ୍ତି ତେବେ ୧୩୦ କୋଟି ଲୋକଙ୍କୁ ମିଳିମିଶି ଲଢ଼େଇ କରିବାକୁ ପଡ଼ିବ।  

Powered by Froala Editor