ଜଣେ ବିକୃତ ମାନସିକତାର ବ୍ୟକ୍ତି ୧୦୧ ଶବଙ୍କ ସହ ଶାରୀରିକ ସମ୍ପର୍କ ରଖୁଥିବା ଘଟଣା ସାମ୍‌ନାକୁ ଆସିଛି । ଖାଲି ସେତିକି ନୁହେଁ ସେ ସେହି ସମୟରେ ଫଟୋ ଓ ଭିଡିଓ ମଧ୍ୟ ବନଉଥିଲା । ଏଭଳି ଏକ ଅମାନବୀୟ କାଣ୍ଡ ଘଟିଛି ବ୍ରିଟେନର ଏକ ଡାକ୍ତରଖାନାରେ। ବ୍ୟକ୍ତି ଜଣକ ସେହି ଡାକ୍ତରଖାନାରେ ଇଲେକ୍ଟ୍ରିକ ବିଭାଗରେ କାର୍ଯ୍ୟ କରୁଥିଲେ ଏବଂ ତାଙ୍କ ନାମ ଡେଭିଡ ଫୁଲର।

୨୦୨୦ ମସିହାରେ, ଯେତେବେଳେ ୩୦ ବର୍ଷରୁ ଅଧିକ ସମୟ ଧରି ସମାଧାନ ହୋଇନଥିବା ହତ୍ୟା ମାମଲାର ତଦନ୍ତ ପାଇଁ ପୋଲିସ ଡେଭିଡ ଘରେ ପହଞ୍ଚିଥିଲା, ସେତେବେଳେ ସେ ଯାହା ପାଇଥିଲେ ତାହା ସେମାନଙ୍କୁ ଆଶ୍ଚର୍ଯ୍ୟ କରିଥିଲା। ଏଠାରେ ପହଞ୍ଚିବା ପରେ ପୋଲିସ ଜାଣିବାକୁ ପାଇଲା ଯେ ସେ ଝିଅମାନଙ୍କ ମୃତଦେହକୁ ଯୌନ ନିର୍ଯ୍ୟାତନା ଦେଉଥିଲେ । 

୨୦୦୭ ରୁ ୨୦୨୦ ମଧ୍ୟରେ ସେ ୧୦୧ ମହିଳାଙ୍କ ମୃତଦେହକୁ ଯୌନ ଶୋଷଣ କରିଥିବା ଡେଭିଡ ପୋଲିସକୁ ଜଣାଇଥିଲେ। ଡେଭିଡ ୧୯୮୯ ମସିହାରୁ ଡାକ୍ତରଖାନାରେ ଇଲେକ୍ଟ୍ରିକ ଭାବରେ କାର୍ଯ୍ୟ କରୁଥିଲେ। କର୍ମଚାରୀଙ୍କ ଅନୁପସ୍ଥିତିରେ ଡେଭିଡ ଫୁଲର ଡାକ୍ତରଖାନାର ମର୍ଟାରୀ ଭିତରକୁ ପଶି ଆସୁଥିଲେ ଏବଂ ପରେ ମୃତଦେହ ସହିତ ଅନୈତିକ କାର୍ଯ୍ୟ କରୁଥିଲେ। ଏପରିକି କିଛି ଝିଅ ଏବଂ ମହିଳାଙ୍କ ଶବ ସହିତ ସେ ଏକାଧିକ ଥର ଏଭଳି କାର୍ଯ୍ୟ କରିଥିଲେ। ଶବ ବ୍ୟବଚ୍ଛେଦ ଗୃହରେ ସିସିଟିଭିର ନଥିବାରୁ ତାଙ୍କୁ ଏଭଳି ଘୃଣ୍ୟ କାର୍ଯ୍ୟରେ ସାହାଯ୍ୟ କରିଥିଲା। 

Powered by Froala Editor