ବାପା ହେଲେ ମୋହିତ
ବାପା ହୋଇଛନ୍ତି ଦେବୋ କେ ଦେବ ମହାଦେବ ଫେମ୍ ଅଭିନେତା ମୋହିତ ରାଇନା। ସୋସିଆଲ ମିଡିଆ ଜରିଆରେ ଅଭିନେତା ମୋହିତ ଏହି ଖୁସିଖବର ପ୍ରଶଂସକଙ୍କ ସହ ବାଣ୍ଟିଛନ୍ତି। ତାଙ୍କ ପତ୍ନୀ ଅଦିତି କନ୍ୟା ସନ୍ତାନର ଜନନୀ ହୋଇଛନ୍ତି।
ମୋହିତ ଶେୟାର କରିଥିବା ଫଟୋରେ ଝିଅର ଆଙ୍ଗୁଠି ଧରିଥିବା ନଜର ଆସିଛନ୍ତି। ଫଟୋ ଶେୟାର କରି ସେ ଲେଖିଛନ୍ତି, 'ଏବେ ଆମେ ତିନି ହୋଇଯାଇଛୁ। ୨୦୨୧ ଡିସେମ୍ବର ୨୪ରେ ମୋହିତ ଅଦିତିଙ୍କୁ ବିବାହ କରିଥିଲେ। କିଛି ଦିନ ପୂର୍ବେ ସ୍ତ୍ରୀଙ୍କ ସହ ମୋହିତଙ୍କ ସମ୍ପର୍କରେ ତିକ୍ତତା ଆସିଥିବା କଥା ଶୁଣିବାକୁ ମିଳିଥିଲା। କିନ୍ତୁ ଏକଥାକୁ ମୋହିତ ମିଛ ବୋଲି କହିଥିଲେ । ଏବେ ଏହି ଖୁସି ଖବର ଦେଇ ସେ ତାଙ୍କ କଥାର ସତ୍ୟତା ପ୍ରମାଣ କରିଛନ୍ତି ।
Powered by Froala Editor
