ନିସ୍ୱାର୍ଥପର ଭଲପାଇବା : ରାସ୍ତାରେ କୁକୁର ଛୁଆକୁ କ୍ଷୀର ପିଆଇଲେ ଦୃଷ୍ଟିହୀନ ମହିଳା
![ନିସ୍ୱାର୍ଥପର ଭଲପାଇବା : ରାସ୍ତାରେ କୁକୁର ଛୁଆକୁ କ୍ଷୀର ପିଆଇଲେ ଦୃଷ୍ଟିହୀନ ମହିଳା](https://odishanewslens.com/news_gallery/20202_1678989880.jpg)
ଯେଉଁଠି ମଣିଷ ନିଜ ମା, ବାପାଙ୍କୁ ମାରିବାକୁ ପଛଉନାହାନ୍ତି । ସେଇଠି ଦୁଇ ଜଣ ଭିନ୍ନକ୍ଷମଙ୍କ ପଶୁ ପ୍ରେମ ଦେଖିଲେ ହୃଦୟ ଭରିଯିବ । ରାସ୍ତାରେ ଯାଉଥିବାବେଳେ ଏକ କୁକୁର ଛୁଆରୁ ଅତି ସ୍ନେହର ସହ କ୍ଷୀର ପିଆଉଛନ୍ତି ଜଣେ ଦୃଷ୍ଟିହୀନ ମହିଳା । ଯାହାର ଭିଡିଓ ଭାଇରାଲ ହେଉଛି । ଏଥିରେ ମହିଳା ଜଣକ ସିନା ଦେଖିପାରୁନାହାନ୍ତି । କିନ୍ତୁ କୁକୁର ଛୁଆଟିର ମନ କଥା ବୁଝିପାରି ଅତି ଆଦରରେ କ୍ଷୀର ପିଆଉଛନ୍ତି । ଏ ଦୃଶ୍ୟ ଭାଇରାଲ ହେବାରେ ଲାଗିଛି ।
ଭିଡିଓକୁ ଇନ୍ସପାୟର ନେଚର ନାମକ ପେଜରୁ ଇନଷ୍ଟାଗ୍ରାମରେ ସେୟାର କରାଯାଇଛି। ଏହି ଭିଡିଓରେ ଦେଖିବାକୁ ମିଳୁଛି ଜଣେ ମହିଳା ଓ ପୁରୁଷ ରାସ୍ତା ଉପରେ ବସିଛନ୍ତି। ତାଙ୍କ ପଛପାର୍ଶ୍ବରେ ଲୋକେ ଯିବା ଆସିବା କରୁଛନ୍ତି। ଉଭୟ ପୁରୁଷ ଓ ମହିଳାଙ୍କ ଦୃଷ୍ଟିଶକ୍ତି ନଥିବା ଭିଡିଓରେ ଦେଖିବାକୁ ମିଳୁଛି। ପୁରୁଷ ହାତରେ ମାଇକ୍ରୋଫୋନ ଧରିଥିବା ବେଳେ ମହିଳା କୋଳରେ ଏକ କୁକୁର ଛୁଆକୁ ଧରିଛନ୍ତି। ବୋଧ ହୁଏ ଏହି କୁକୁର ଛୁଆଟିକୁ ଶୋଷ ଲାଗୁଥିଲା। ତାହା ମହିଳା ଜଣକ ଜାଣିପାରି ଦୃଷ୍ଟିଶକ୍ତି ନଥାଇବି ସେ କୁକୁର ଛୁଆକୁ ଅତି ସ୍ନେହର ସହ କ୍ଷୀର ପିଆଉଛନ୍ତି। ଏହାପରେ ତାକୁ ଏକ କପଡ଼ାରେ ପୋଛି ପକାଇଛନ୍ତି।
Powered by Froala Editor