ମାଷ୍ଟର ସେଫ୍ ଇଣ୍ଡିଆର ଫାଇନାଲ ଟେଲିକାଷ୍ଟ ପୂର୍ବରୁ ଲିକ୍ ହେଲା ବିଜେତାଙ୍କ ନାଁ
ରିଆଲିଟି ଶୋ' 'ମାଷ୍ଟର ସେଫ୍ ଇଣ୍ଡିଆ ୭'ର ଫାଇନାଲ ଟେଲିକାଷ୍ଟ ପାଇଁ ଆଉ କିଛି ସପ୍ତାହ ବାକି ଅଛି । ହେଲେ ଏବେଠୁ ସୋସିଆଲ ମିଡିଆରେ ବିଜେତାଙ୍କ ଫଟୋ ଲିକ୍ ହୋଇଛି। ପ୍ରତିଯୋଗୀ ନୟନ ଜ୍ୟୋତି ସାଇକିଆ ବିଜେତା ବୋଲି ସ୍ପଷ୍ଟ ହୋଇଛି। ନୟନ ଜ୍ୟୋତି ବିଜେତା ଟ୍ରଫି ଉଠାଇଥିବା କୁହାଯାଉଛି। ଲିକ୍ ହୋଇଥିବା ଫଟୋରେ ନୟନ ମାଷ୍ଟର ସେଫ୍ କୋଟ୍ ପିନ୍ଧି ଟ୍ରଫି ଧରିଛନ୍ତି। ଫଟୋଟି ଫାଇନାଲ ଶୁଟିଂ ସମୟର। ଶୁଟିଂ ଶେଷ ହେବା ପରେ ଅନ୍ୟ କ୍ରୁ ସଦସ୍ୟ ତାଙ୍କ ପଛରେ ଅଛନ୍ତି।
ପ୍ରଶଂସକ ଟୁଇଟର ଆକାଉଣ୍ଟରେ ଫଟୋ ଶେୟାର କରି ନୟନଙ୍କୁ ଟାଇଟଲ୍ ଜିତିବା ଲାଗି ଅଭିନନ୍ଦନ ଜଣାଇଛନ୍ତି। 'ନୟନଜ୍ୟୋତି #ମାଷ୍ଟର ସେଫ ଇଣ୍ଡିଆ ୭ ଟ୍ରଫି ଜିତିଛନ୍ତି। ଶେଷରେ ସମାପ୍ତି ଭଲ ଥିଲା…ଆପଣଙ୍କୁ ଅଭିନନ୍ଦନ 'ବୋଲି ସେ ଲେଖିଛନ୍ତି।
ତେବେ ଫାଇନାଲ ଟେଲିକାଷ୍ଟ ବାକି ଥିବାବେଳେ ଏହି ଫଟୋ ବିବାଦ ଘେରକୁ ଆସିଛି । ଏହା କେମିତି ହେଲା ବୋଲି ଆୟୋଜକଙ୍କ ଉପରେ ପ୍ରଶ୍ନ ଉଠିଛି । ଏହାର ଲିଙ୍କ ଖୋଜୁଛନ୍ତି ଆୟୋଜକ । ହେଲେ ବି ଲିକ୍ ହୋଇଥିବା ଫଟୋକୁ ନେଇ ଆସାମରେ ଖୁସି ମନାଉଛନ୍ତି ଲୋକମାନେ । ନୟନଜ୍ୟୋତିଙ୍କ ସଫଳତାକୁ ନେଇ ତାଙ୍କୁ ଅଭିନନ୍ଦନର ସୁଅ ଛୁଟୁଛି ।
Powered by Froala Editor
