ବିଜୟଙ୍କ ସହ ଡେଟ୍କୁ ନେଇ ଏମିତି କହିଲେ ତମନ୍ନା...
କିଛି ଦିନ ତଳେ ବଲିଉଡ ଅଭିନେତା ବିଜୟ ବର୍ମା ଓ ଅଭିନେତ୍ରୀ ତମନ୍ନା ଭାଟିଆ ଗୋଆରେ ପରସ୍ପରକୁ ଚୁମ୍ବନ ଦେଉଥିବାର ଭିଡିଓ ଭାଇରାଲ ହେବା ପରେ ଚର୍ଚ୍ଚା ଜୋର ଧରିଥିଲା। ଏହାପରେ ଉଭୟ ପରସ୍ପରକୁ ଡେଟ୍ କରୁଥିବା କଥା ଚର୍ଚ୍ଚା ହୋଇଥିଲା । ଏକ ସାକ୍ଷାତକାରରେ ବିଜୟଙ୍କ ସହ ତାଙ୍କ ସମ୍ପର୍କକୁ ନେଇ ହେଉଥିବା ଚର୍ଚ୍ଚା ଉପରେ ତମନ୍ନା କହିଛନ୍ତି, ମୁଁ ଏବଂ ବିଜୟ ସାଙ୍ଗ ହୋଇ ଗୋଟିଏ ଫିଲ୍ମ କରିଛୁ। ଡେଟିଂର ଚର୍ଚ୍ଚା ତ ଏମିତି ଚାଲେ। ମୁଁ ଏସବୁକୁ ନେଇ କୌଣସି ସ୍ପଷ୍ଟୀକରଣ ଦେବାକୁ ଚାହେଁ ନାହିଁ।
ନିକଟରେ ବର୍ଲିନ ଆନ୍ତର୍ଜାତୀୟ ଫିଲ୍ମ ଫେଷ୍ଟିଭାଲରେ ପ୍ରଥମ ଭାରତୀୟ ୱେବ ସିରିଜ ଭାବେ ଅଭିନେତା ବିଜୟ ବର୍ମାଙ୍କ ଅଭିନୀତ ସିରିଜ ଦହାଡର ବିଶ୍ୱ ପ୍ରିମିୟର ହୋଇଥିଲା। ଏଥିରେ ବିଜୟ ଓ ଅଭିନେତ୍ରୀ ସୋନାକ୍ଷୀ ସିହ୍ନାଙ୍କ ସମେତ ଦହାଡର ପୂରା ଟିମ ଯୋଗ ଦେଇଥିଲେ। ଟିମର ଗୋଟିଏ ଫଟୋ ଇନଷ୍ଟା ଷ୍ଟାଟସରେ ସେୟାର କରି ସେମାନଙ୍କୁ ଶୁଭେଚ୍ଛା ଜଣାଇଥିଲେ ତମନ୍ନା। ଶୁଭେଚ୍ଛା ପାଇବା ପରେ ବିଜୟ ଧନ୍ୟବାଦ ଜଣାଇ 'ଥାଙ୍କ୍ସ ଟମାଟର' ବୋଲି ଲେଖିଥିଲେ।
Powered by Froala Editor
